Irribarria-Rezusta vs Bengoetxea VI.a-Larunbe, Binakako final handia
Irribarria-Rezusta eta Bengoetxea VI.a-Larunbe diar 2017ko Binakako Txapelketako lau protagonistak.
Finalerdietako ligaxkako azken partidak argitu du guztia. Bertan, Irribarriak eta Rezustak 22 eta 18 irabazi diete Olaizola II.ari eta Untoriari, Bilboko Bizkaia pilotalekuan.
Gorriek nahikoa zuten 10 tanto egitearekin apirilaren 9ko finala jokatzea ziurtatzeko; urdinek, berriz, garaipena behar zuten, derrigorrez.
Irribarriak eta Rezustak sendo hasi dute neurketa, 5-0 aurreratu dira lehen tantoetan eta 9 tantoko aldea ere izan dute (16-7). Aurretik, 10 eta 3koarekin, finala jokatzea ziurtatu dute.
Baina Olaizola II.ak eta Untoriak ez dute amore eman. Finalean egoteko garaipena behar zutela kontuan izanda, jokoa estutu eta 17na egitea lortu dute. Aurretik ere jarri dira, 17-18, baina susperraldi horrek ez du jarraipenik izan. Irribarriak eta Rezustak argi utzi dute txapelketako bikoterik indartsuena direla, eta markagailuan berriro aurretik jarri dira 22ra iritsi arte.
Emaitza horri esker, finaleko bigarren txartela Bengoetxea VI.ak eta Larunbek lortu dute, larunbatean Jaka eta Zabaletari irabazi ostean.
Partidako tanto guztiak
1-0, 2-0, 3-0, 4-0, 5-0, 5-1,5-2, 5-3, 6-3, 7-3, 8-3, 9-3, 10-3, 11-3, 11-4, 11-5, 11-6, 11-7, 12-7, 13-7, 14-7, 15-7, 16-7, 16-8, 16-9, 16-10, 17-10, 17-11, 17-12, 17-13, 17-14, 17-15, 17-16, 17-17, 17-18, 18-18, 19-18, 20-18, 21-18, 22-18.
Zure interesekoa izan daiteke
Altunaren eta Ezkurdiaren iritziz, "errespetu falta" da Nafarroa Arenan entrenatzeko aukerarik ez izatea
Laura Pausiniren kontzertua dela eta Altuna-Ezkurdiak eta klasfikatzen den bigarren bikoteak ezin izango dute Nafarroa Arenan entrenatu finala baino lehen. Hau da finalistek gaiaren inguruan duten iritzia.
Altunak ez du erabaki asteburuan jokatzeko moduan izango den
Altuna III-Ezkurdia eta Jaka-Iztueta bikoteek asteburu honetan jokatuko duten Binakako Txapelketako finalerdietako partidarako materiala hautatu dute astearte honetan, Tolosako Beotibar frontoian. Jokin Altunak aitortu duenez, ez daki ziur jokatzeko moduan izango den ala ez, eskuak minduta dituelako.
Altuna-Ezkurdia, lehen bikote finalista
Jokin Altuna eta Joseba Ezkurdia Binakako Pilota Txapelketako finalean izango dira, asteburuan Unai Laso eta Jon Ander Albisu mendean hartu ostean.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Altuna eta Ezkurdia, Binakako finalera!
Altunak eta Ezkurdiak Laso eta Albisu garaitu dituzte finalerdietako ligaxkako bigarren jardunaldian (22-15). Garaipen honekin, finalerako txartela eskuratu du Aspeko bikoteak.
Elordik eta Zabaletak garaipen handia lortu dute Jakaren eta Iztuetaren aurka (11-22)
Elordik eta Zabaletak 11-22 garaitu dituzte Jaka eta Iztueta finalerdietako ligaxkako bigarren jardunaldian. Garaipen honekin, finalera iristeko borrokan garaipen garrantzitsua eskuratu dute Aspekoek; Baikoko bikotea, berriz, ia aukerarik gabe gelditu da bi partidak galdu ostean.
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.