Bainetek ASPEren kontrola hartu du, Fernando Vidarteren akzioetako gehienak eskuratuta
Eibarreko enpresako administratzaile bakar ohiak agur esan du, astelehenean, prentsaurrekoan. Vidartek ziurtatu du ASPEk “berdin” jarraituko duela, eta “Baikoren aurka lehiatuko” dela; halaber, onartu du ez duela pilotariekin hitz egin.
Fernando Vidarte, prentsaurrekoan. Argazkia: EITB.
Bainetek ASPEren kontrola hartu du, orain arte ASPEko administratzaile bakarra izan den Fernando Vidarteren akzioetako gehienak eskuratuta. Vidartek agur esan du, astelehenean, prentsaurrekoan. Vidartek ziurtatu du ASPEk “berdin” jarraituko duela, eta “Baikoren aurka lehiatuko” dela; halaber, onartu du ez duela pilotariekin hitz egin.
Hala, Fernando Vidarte komunikabideen aurrean azaldu da, EITBk igande arratsaldean eman zuen albistearen gaineko xehetasunak ematea helburu, alegia, Bainetek Fernando Vidartek ASPEn zituen akzioak eskuratu dituela adieraztea. Enpresariak nabarmendu du amaitu egin dela “28 bat urteko bidaia”, eta bi argudio eman ditu, akzio gehienak saltzeko erabakia azaltze aldera: osasuna eta ilusio falta. Vidartek iragarri du “lotura txikia” izango duela aurrerantzean ere ASPEren barnean.
Erabakia “gogorra, baina beharrezkoa” izan dela adierazi du. Horren ondorioz, Bainetek hartu du ASPEren kontrola, eta nabarmendu duenez, espero du Bainetek proiektua “zaindu” egingo duela, eta “hazten lagunduko” diola.
Kazetarien galderei erantzunez, Vidartek zehaztu du ASPEk “Eibarren jarraituko” duela, eta enpresaren jarduerak orain arte bezala segituko duela: “Hori bai, orain jabea beste bat da, Bainet”. Ildo horretan, azpimarratu du ASPEk “Baikorekin lehiatuko den enpresa bat” izango dela, eta ASPEren izpirituak bere horretan” jarraituko duela.
Vidartek onartu du ez dela gauza zehazteko zenbateko pisua izango duen ASPEk enpresa berrian, eta adierazi du aukera dagoela Bainetek ondorengo egunetan prentsaurrekoa deitzeko. Nabarmentzeko modukoa da Jorge Vidartek, alegia, Fernando Vidarteren aitak, enpresan jarraituko duela, gerente lanetan.
Enpresariak azaldu du “bizpahiru talderekin” izan dela hizketan, akzioak saltzeko, eta adierazi du uste duela ez dela “monopoliorik” izango. Zehaztu duenez, ez du ASPEko pilotariekin hitz egin; horiek “duela egun batzuk” izan dute erabakiaren berri: “Erabateko diskrezioaz egin da dena, pentsatzen genuen hala behar zuela”, esan du. Onartu ere onartu du uste duela pilotariak minduta sentitu ahal direla; Vidarte horiekin hitz egiteko prest azaldu da, oraindik datarik ez duen bilera batean.
“Denak bere horretan jarraituko du”, berretsi du, “pilotak berdin jarraitu behar du”, esan du Fernando Vidartek.
Zure interesekoa izan daiteke
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.
Pilota Pro Liga eta Donostia kirola 2026an Atano III frontoian pilota profesionalaren presentzia handiagoa izateko akordio batera ailegatu dira
Akordio honekin, frontoi donostiarrak egutegi profesionalean gutxienez hamar ekitaldi hartzea ziurtatzen du; Bikoteko Txapelketako, Buruz Burukoko eta Lau t’erdikoaren final erdi bat bertan jokatu beharko dute.
Emakume Master Cupek 10 urte bete ditu
Emakume Master Cup zirkuituaren aurkezpena egin dute Arrasateko Amaia Antzokian. Emakumenzkoen pilotan mugarri izan den honek, 10.urteurrena ospatu du ekitaldian, baita denbora honetan guztian eman dituen urrats sendoak azpimarratu ere.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.
Beñat Zubizarretak debuta egingo du profesionaletan, larunbatean: “Eguna heltzeko irrikan nago”
Zubizarreta IV.ak Imaz izango du atzelari, Peio Etxeberria-Bikuña bikotearen aurka, Azkoitian. Beñat Zubizarretak Baikorekin egingo du debuta, eta Iraitz anaiak ere enpresa horretan jokatzen du.
Laso eta Albisuren marka ikaragarria, 13 garaipen 14 jardunalditan
Unai Laso eta Jon Ander Albisu sekulako ligaxka eginda iritsiko dira Binakako Txapelketako finalerdietara. Atzo 22-20 irabazita, 13 garaipen lortu dituzte 14 jardunalditan. Azken bederatzi urteetako ligaxketako markarik onena.