Oinatz Bengoetxeak min hartu du, eta zalantzan dago Labriteko azken agurrean izatea
Oinatz Bengoetxea lesionatu egin da larunbat honetan, Markinan, Bizkaiko frontoietatik agurtzeko partidan. Leitzako aurrelaria, Aretxabaletarekin batera bikotea osatuz, Elordiren eta Bikuñaren aurka aritu da, eta markagailuak 19 eta 10ekoa irudikatzen zuenean (azken bien alde), aldageletarako bidea hartu behar izan du pilotari nafarrak, min hartuta.
Neurketa amaitu ostean Euskadi Irratiko lankideei egindako adierazpenetan Bengoetxea VI.ak berak adierazi duenez, "ezkerreko iztondoan" hartu du min, eta pilotariak berak baztertu egin du datorren astelehenean Tolosan zuen hitzorduan jokatzeko moduan egongo denik. Bertan, Albisurekin bikotea eginez, Altuna III.aren eta Bikuñaren aurka aritzekoa zen. Gerora, Baiko Pilotak plazaratutako ohar batean azaldu du Iñaki Artolak hartuko duela Oinatzen lekua Beotibarreko jaialdian.
Horrez gain, leitzarra ezkor agertu da datorren larunbatean, Labriten, profesional gisa jokatu behar zuen azken agur-neurketan egoteko aukeraren aurrean. Dena dela, astelehenean egingo dizkiote osasun-probak, eta horren arabera hartuko dute erabakia. Dena den, bere azken lehia horretan jokatzeko moduan izango ez balitz, agur-partida hori beste egun batera atzeratuko lukete.
Bengoetxea VI.ak ostiral gauean beste lehia bat jokatu zuen, Uriondorekin batera, Alberdi II.a-Aretxabaletari aurre egiteko, eta bertan 500. garaipena erdietsi zuen profesional mailan. Horrez gain, Sebastian Lizasoren bertsoa jaso zuen omenaldi gisa.
Zure interesekoa izan daiteke
Ander Imazek alta jaso du
Gipuzkoako pilotariak hobera egin du, eta pixkanaka ekingo dio kirol jarduerari.
2026ko CaixaBank Masterseko sailkapena, emaitzak eta egutegia
Txapelketa uztailaren 17an hasiko da, eta urriaren 4an amaitu; finala Iruñean jokatuko dute, Nafarroa Arenan.
Zabala eta Iztueta, CaixaBank Masterseko finalerdietara (15-22)
Zabalak eta Iztuetak 4. puntua eskuratu dute Artola eta Rezusta garaituta, eta, beraz, CaixaBank Masterseko finalerdietarako sailkatu dira.
Minutuko isilunea egin dute hildako gaztearen omenez Lekeitioko pilotalekuan
Pilotalekuan partida jokatzen ari zenean jakin dute antzarretan mutil bat zendu dela, eta orduan jakinarazi diete harmailetan zeuden zaleei. Lehen atsedenaldi luzean, minutuko isilunea egin dute, hildakoaren omenez.
Imazek, ondoezik, ezin izan du partida amaitu; Ezkurdiak eta Albisuk lortu dute garaipena (22-14)
Lekeition jokatu den CaixanBank Masterseko neurketa bertan behera gelditu da, Ezkurdia eta Albisu Altuna eta Imaz 18-14 menderatzen ari zirenean Oiartzungo atzelaria ondoezik sentitu baita. Ezkurdiak eta Albisuk bigarren puntua batu dute horrela, eta sailkatzeko aukerak izaten jarraitzen dute. Altuna eta Imaz, berriz, sailkatzeko aukerarik gabe gelditu dira, garaipen bakarra lortu baitute.
Elordi eta Mariezkurrena CaixaBank Masterseko finalaurrekoan izango dira, Laso eta Martija aise garaituta (22-10)
Aitor Elordi eta Jon Mariezkurrena 22-10 gailendu dira Unai Laso eta Julen Martijaren aurka Lekeitioko pilotalekuan jokatu duten partidan, eta, ondorioz, CaixaBank Masterseko finalerdietarako sailkatu dira. Gorriak jaun eta jabe izan dira.
Atzeratu egin da Pilota Pro Ligaren lehiaketa formatu berria
Proiektuaren konplexutasuna dela eta atzeratu egingo da lehiaketa sistema berriaren ezarpena.
Muruak Asperekin berritu du beste lau urtez
Arrasateko aurrelariak 2030era arte berritu du kontratua “onena ematea eta ahalik eta txapelketa gehien jokatzea” helburu dituela.
Dario gorriz etxekoen aurrean eta Altuna aurrekanporaketan, San Mateo torneoan
Sanmateoetako pilota torneoa aurkeztu dute gaur Logroñon. Irailaren 18tik 27ra bitarte jokatuko da. Atarikoetan, A Multzoan Jaka-Mariezkurrena, Zabala-Rezusta eta Artola-Albisu Larrazabal-Iztueta arituko dira. B multzoan, Laso-Landa, Dario-Zabaleta, Ezkurdia-Martija eta Altuna-Bikuña.
Hirugarren puntua, Artola eta Rezustarentzat (22-20)
Artolak eta Rezustak 22-20 garaitu dituzte Larrazabal eta Zabaleta, eta hirugarren puntua eskuratu dute CaixaBank Mastersen.