Goikoetxea V-Barrenetxea IV eta Aldabe-Azpiroz bikoteak garaile 'Erremontari'ko irekiera-jardunaldian
Goikoetxea V-Barrenetxea IV (Oialume Zar) eta Aldabe-Azpiroz (Petritegi) bikoteek irabazi dituzte "Erremontari" saioko 1. jardunaldiko lehen partidak. Urriza-Martirena (Alorrenea) eta Ansa II-Zaldua (Aburuza) menderatu dituzte, hurrenez hurren.
2023ko edizioa berrikuntzekin dator; izan ere, Jai Alai Winter Seriesen ezagututako seten formatua ikusiko dugu Galarretan. Hortaz, bi set jokatuko dira, 15 tantora. Bikote bakoitzak set bat irabaziko balu, hirugarren set bat jokatuko da, 5 tantora.
Lehen partida Urriza-Martirena (Alorrenea) eta Goikoetxea V-Barrenetxea IV (Oialume Zar) bikoteek jokatu dute. Gorriak 4-2 aurreratu dira markagailuan. Hala ere, bikote urdinak sakea berreskuratu duenean, markagailua irauli du atsedenaldi laburrera 8-4 aurretik joateko. Urdinak 11-5 aurreratu dira gero, baina azken tantoa egitea kostatu egin zaie; izan ere, 14. tantoa egin eta gero, gorriek beste bi egitea lortu dute Oialume Zarrekoek seta itxi aurretik (15-7).
Bigarren setean ere, urdinak gailendu dira. Gorriak, baina, 3-0 aurreratu dira. Tantoak tartekatuz, 5-5 berdindu da markagailua. Seina eta zazpina ere berdindu dute, eta 8. tantoa gorrien aldekoa izan da, atsedenaldira aurretik heltzeko balio izan diena. Lehen zatian legez, Barrenetxeak sakea berreskuratu duenean, bikote urdinak min handia egin du. Gorriak 9-7 aurreratu diren arren, urdinek berdinketa lortu, eta aurrea hartu dute: 11-9. Urrizak eta Martirenak ez dute amore eman, eta berdinketa eskuratu dute beste behin (11-11). Azkenean, 15-12ko markagailuarekin, Gipuzkoako bikoteak poltsikoratu ditu bigarren seta eta partida, eta, bide batez, 4 puntu eskuratu ditu.
Bigarren norgehiagokan, Ansa II-Zaldua (Aburuza) eta Aldabe-Azpiroz (Petritegi) aritu dira aurrez aurre. Gorriak 3-0 eta 5-1 aurreratu dira lehen setaren hasieran. Urdinak defentsan sendotu eta Ansa partidatik kanpo utziz, 7-0eko partzialarekin, 8-5 aurreratu dira. Atsedenaldiaren ostean, lan gehiago izan dute urdinek tantoak egiteko, baina 15-9 irabazi dute lehen jokoa.
Hurrengo setean, 2-2 eta 3-3 berdindu ondoren, 5-3 aurreratu dira urdinak; gorriek, baina, berdintzea lortu dute. Urdinek, gero, 3-0eko partzialarekin, atsedenaldira aurretik heltzea lortu dute bigarrenez. Setaren amaiera gogorra eta parekatua izan da: 9-9, 11-11 eta 12-12. Imanol Ansa urnietarra jokoan sartu da orduan, eta bi pareta dotore batekin lehenik, errebotera bidalitako pilotakada batekin gero eta berak landutako tanto baten ondoren etorri den atzelari urdinaren hutsarekin azkenik, bigarren seta irabazi dute gorriek, "Erremontari"ko lehen set erabakigarria behartzeko.
Partida ixteko, hirugarren setean urdinak 5-1 nagusitu dira. Azken tantoan, lekuz kanpo harrapatu ditu Aburuzakoak, eta ezin izan dute ezer egin porrota ekiditeko. Gauzak horrela, Petritegiko bikoteak 3 puntu bildu ditu; Aburuzakoak, berriz, 1.
Zure interesekoa izan daiteke
“Erremontari” txapelketaren 3. jardunaldiko hiru tanto onenak
Beñat Segurolak, Imanol Ansak eta Endika Barrenetxeak egin dituzte Erremontari-Sagardoaren Txapelketako bigarren jardunaldiko tanto onenak. Gozatu!
Ezkurra II-Azpiroz eta Aldabe-Barrenetxea IV bikoteek garaipenaren saria izan dute hirugarren jardunaldian
Ezkurrak eta Azpirozek Segurola eta Larrañaga hiru jokotan (14-15, 15-2 eta 5-8) hartu dituzte mendean, neurketa oso gorabeheratsuan. Bestalde, Aldabek eta Barrenetxeak partida irauli dute, eta Ansari eta Zubiriri irabazi diete hiru jokotan ere (15-6,-7-15 eta 5-8).
Aldabe: “Ansa eta Zubiri gu baino lehenago nekatu dira eta hor egon da aldea”
Aldabek eta Barrenetxeak mendean hartu dituzte Ansa II eta Zubiri. Hiru jokotan lortu dute garaipena: 15-6, 7-15 eta 5-8. Hemen partidako azken tantoa eta urdinen adierazpenak.
Ezkurra II: “Tentsio puntu bat falta izan zaigu”
Hiru jokotan lortu du Ezkurra II-Azpiroz bikoteak Segurola-Larrañagaren aurkako garaipena (14-15,15-2 eta 5-8). Larrañagak huts eginda lortu dute garaipena, hemen azken tantoa eta garaileen hitzak.
“Erremontari” txapelketaren 2. jardunaldiko hiru tanto onenak
Imanol Ansak, Josetxo Ezkurrak eta Xabier Azpirozek egin dituzte Erremontari-Sagardoaren Txapelketako bigarren jardunaldiko tanto onenak.
Azpiroz: “Ez gara guztiz eroso aritu, pilotak bajuak ziren eta horrek egin du partida gogorra izatea”
Ezkurra II.ak eta Azpirozek mendean hartu dituzte Ansa II.a eta Zubiri, bi jokotan (12-15 eta 12-15). Garaipen honekin, “Erremontari” txapelketako sailkapenean nagusitu dira. Ikusi azken tantoa eta irabazleen adierazpenak.
Goikoetxea-Juanenea eta Ezkurra-Azpiroz, garaile bigarren jardunaldian
Lehen partidan, Goikoetxea V.ak eta Juaneneak neurketa irauli eta garaipena lortu dute Segurola eta Larrañagaren aurka hiru jokotan (13-15,15-13 eta 8-6). Bigarren neurketan, Ezkurrak eta Azpirozek bi jokotan irabazi diete (12-15 eta 12-15) Ansari eta Zubiriri. Gainera, bikote nafarrak txapelketako lidertza eskuratu du.
Juanenea: “Partida hil ala bizikoa zen guretzako, dena ematera atera gara”
Goikoetxea V-Juanenea bikotea gailendu da Segurola-Larrañaga bikoteari. Hiru jokotan lortu dute hori 13-15, 15-13 eta 8-6 eginda. Hemen norgehiagokako azken tantoa eta irabazleen adierazpenak.
Aldabe-Barrenetxea IV bikoteak lortu du “Erremontari” txapelketako lehen garaipena
Aldabek eta Barrenetxea IV.ak hiru jokotan garaitu diete Ezkurra II.ari eta Azpirozi (15-10, 7-15 eta 3-8). “Beraien lekutik kanpo” hasi direla azaldu duten arren, argi nabarmendu dira Kemen eta Endika beste bi jokotan. Ez galdu partidako azken tantoa eta bikote irabazlearen adierazpenak.
Aldabek eta Barrenetxeak neurketa irauli eta Ezkurra-Azpiroz bikotea mendean hartu dute estreinakoan
Ezkurra eta Azpiroz nagusitu dira lehen jokoan (15-10), baina bigarrena Aldabek eta Barrenetxeak (7-15) irabazi dute, eta hirugarren joko erabakigarrian ere gailendu dira (3-8). Jaialdiko bigarren neurketan, Ansa II.ak eta Zubirik 15-11 eta 15-13 menderatu zituzten Goikoetxea V.a eta Juanenea (Alorrenea).