Goikoetxea V-Barrenetxea IV eta Aldabe-Azpiroz bikoteak garaile 'Erremontari'ko irekiera-jardunaldian
Goikoetxea V-Barrenetxea IV (Oialume Zar) eta Aldabe-Azpiroz (Petritegi) bikoteek irabazi dituzte "Erremontari" saioko 1. jardunaldiko lehen partidak. Urriza-Martirena (Alorrenea) eta Ansa II-Zaldua (Aburuza) menderatu dituzte, hurrenez hurren.
2023ko edizioa berrikuntzekin dator; izan ere, Jai Alai Winter Seriesen ezagututako seten formatua ikusiko dugu Galarretan. Hortaz, bi set jokatuko dira, 15 tantora. Bikote bakoitzak set bat irabaziko balu, hirugarren set bat jokatuko da, 5 tantora.
Lehen partida Urriza-Martirena (Alorrenea) eta Goikoetxea V-Barrenetxea IV (Oialume Zar) bikoteek jokatu dute. Gorriak 4-2 aurreratu dira markagailuan. Hala ere, bikote urdinak sakea berreskuratu duenean, markagailua irauli du atsedenaldi laburrera 8-4 aurretik joateko. Urdinak 11-5 aurreratu dira gero, baina azken tantoa egitea kostatu egin zaie; izan ere, 14. tantoa egin eta gero, gorriek beste bi egitea lortu dute Oialume Zarrekoek seta itxi aurretik (15-7).
Bigarren setean ere, urdinak gailendu dira. Gorriak, baina, 3-0 aurreratu dira. Tantoak tartekatuz, 5-5 berdindu da markagailua. Seina eta zazpina ere berdindu dute, eta 8. tantoa gorrien aldekoa izan da, atsedenaldira aurretik heltzeko balio izan diena. Lehen zatian legez, Barrenetxeak sakea berreskuratu duenean, bikote urdinak min handia egin du. Gorriak 9-7 aurreratu diren arren, urdinek berdinketa lortu, eta aurrea hartu dute: 11-9. Urrizak eta Martirenak ez dute amore eman, eta berdinketa eskuratu dute beste behin (11-11). Azkenean, 15-12ko markagailuarekin, Gipuzkoako bikoteak poltsikoratu ditu bigarren seta eta partida, eta, bide batez, 4 puntu eskuratu ditu.
Bigarren norgehiagokan, Ansa II-Zaldua (Aburuza) eta Aldabe-Azpiroz (Petritegi) aritu dira aurrez aurre. Gorriak 3-0 eta 5-1 aurreratu dira lehen setaren hasieran. Urdinak defentsan sendotu eta Ansa partidatik kanpo utziz, 7-0eko partzialarekin, 8-5 aurreratu dira. Atsedenaldiaren ostean, lan gehiago izan dute urdinek tantoak egiteko, baina 15-9 irabazi dute lehen jokoa.
Hurrengo setean, 2-2 eta 3-3 berdindu ondoren, 5-3 aurreratu dira urdinak; gorriek, baina, berdintzea lortu dute. Urdinek, gero, 3-0eko partzialarekin, atsedenaldira aurretik heltzea lortu dute bigarrenez. Setaren amaiera gogorra eta parekatua izan da: 9-9, 11-11 eta 12-12. Imanol Ansa urnietarra jokoan sartu da orduan, eta bi pareta dotore batekin lehenik, errebotera bidalitako pilotakada batekin gero eta berak landutako tanto baten ondoren etorri den atzelari urdinaren hutsarekin azkenik, bigarren seta irabazi dute gorriek, "Erremontari"ko lehen set erabakigarria behartzeko.
Partida ixteko, hirugarren setean urdinak 5-1 nagusitu dira. Azken tantoan, lekuz kanpo harrapatu ditu Aburuzakoak, eta ezin izan dute ezer egin porrota ekiditeko. Gauzak horrela, Petritegiko bikoteak 3 puntu bildu ditu; Aburuzakoak, berriz, 1.
Zure interesekoa izan daiteke
Ansa: “Txapel honek badauka pisua garaitu ditugun aurkariak ikusita”
Imanol Ansa eta Aritz Zubiri, “Erremontari”-ko txapeldunak, Miramonen izan dira gaur. Zubirik azaldu du ilusio berezia egiten dion txapela dela “Azken Erremontari eta, seguraski, nire azken txapelketa” izango baitira. Ansak Nafarroako Erremontista taldeari eskaintzen dio txapela. Izan ere, alargun geratzen dira erremontistak aurten eta haiek izan dira ateak iriki dizkietenak.
Ansa II-Zubiri, Erremontariko txapeldun!
Ansa II-Zubiri bikoteak irabazi du “Erremontari” txapelketaren seigarren edizioa. Hiru jokotan garaitu diete Aldaberi eta Barrenetxea IV.ari (12-15, 15-12 eta 8-5). Bikote moreari ondo atera zaio prestatutako estrategia eta “sekulako txapela” bereganatu dute.
Ansa eta Zubiri, Erremontariko txapeldun, finala irauli eta Aldaberi eta Barrenetxeari irabazita
Kemen Aldabe eta Endika Barrenetxea nagusitu dira lehen jokoan (12-15), baina bigarrenean Imanol Ansak beste martxa bat sartu du (15-12), eta Bereziartuko ordezkariek joko erabakigarria behartzea lortu dute. Hirugarrenean detaile txikiek erabaki dute neurketa.
Finalistak konforme geratu dira aukeratutako materialarekin
Barrenetxea IV.ak, Aldabek, Ansa II.ak eta Zubirik “Erremontari” txapelketako finalean erabiliko duten materiala aukeratu dute. Urdinek pilota biziak aukeratu dituzte, txapelketa guztian zehar bezala. Moreek, berriz, baxuagoa, arinagoa.
Miriam Arrillaga eta Nora Mendizabal, epaile lanetan aitzindari
Miriam Arrillaga eta Nora Mendizabal Galarreta pilotalekuaren historia luzean epaile lanetan aritu diren lehen emakumeak dira. Pilotariak dira biak eta epaile izatearen esperientziarekin gustora, erremontean ere saiatuko liratekeela adierazi dute.
“Erremontari” txapelketako finalerdiko hiru tantorik onenak
Josetxo Ezkurrak eta Imanol Ansak egin dituzte “Erremontari” txapelketako finalerdiko hiru tantorik ikusgarrienak.
Ansak eta Zubirik finalerdia hiru jokotan irauli eta finalerako txartela lortu dute
Urnietarrak eta uitziarrak Ezkurra eta Azpiroz garaitu dituzte hiru jokotan (15-8, 14-15 eta 3-8), Galarreta pilotalekuan. Norgehiagoka oso gorabeheratsua eta emozioz betea izan da.
Imanol Ansa: “Oso partida zaila altxatu dugu; zorteko sentitzen naiz finala bizi ahal izateagatik”
Imanol Ansak eta Aritz Zubirik “Erremontari” txapelketako finala jokatuko dute Kemen Aldaberen eta Endika Barrenetxearen aurka. Ezkurra II-Azpiroz bikotea hiru jokotan garaitu ostean lortu dute hori (15-8, 14-15 eta 3-8).
Aldabe eta Barrenetxea IV.a, aurkariak nortzuk izango zain
Kemen Aldabe eta Endika Barrenetxea "Erremontari"ko egungo txapeldunak dira. Datorren asteleheneko finalaurreko emaitzaren zain daude, aurtengo finaleko aurkariak zeintzuk izango diren jakiteko.
Ansak eta Zubirik pilota baxuen aldeko apustua egin dute, Ezkurrak eta Azpirozek, berriz, biziak aukeratu dituzte
Hernaniko Galarreta pilotalekuan, bi bikoteek Erremontari saioko finalerdietarako materiala aukeratu dute. Ligaxkako bigarren jardunaldian, Doneztebekoa eta Uitzikoa nagusitu ziren. Aurreko koadroetan lehia bizia espero da.