Xalak eta Barriolak irabazi dute Andre Maria Zuriko txapelketa

Astelehen gauean jokatu zen Gasteizeko Ogeta pilotalekuan Andre Maria Zuriko txapelketako finala. Aspeko bi bikote egon ziren finalean: Xala-Barriola, Titin III.a eta Zubietaren aurka.

Akatsak ugariak izan ziren bi bikoteen aldetik, baina lau pilotarietatik Abel Barriola gailendu zen. Leitzarra nagusi izan zen atzeko koadroetan eta berak erabaki zuen partida. Azkenean, Xalak eta Barriolak 22-14ko emaitzarekin gainditu zituzten Titin III.a eta Zubieta.

Neurketak ordubete pasatxo iraun zuen (64 minutu) eta 589 pelotakada izan zituen. Markagailuaren garapena hau izan zen: 0-2/2/3-2/3/3-7/5-7/5-9/7-9/7-13/11-13/11-20/14-20/14-22.