Sara Alonsok irabazi du Golden Trail World Series zirkuituko lehen proba Koben

Gainera, Malen Osa oñatiarrak hirugarren postuan amaitu du Kobe Trail lasterketa. Gizonezkoetan, berriz, Patrick Kipngeno kenyarra gailendu da.

Sara Alonso, lasterketa batean. Artxiboko argazkia

EITB

2025/04/19 - 21:06

Azken eguneratzea

2025/04/19 - 21:06

Sara Alonso atleta donostiarrak irabazi du Golden Trail World Series 2025 zirkuituko lehen proba, Koben (Japonia), eta Malen Osa hirugarren izan da.

Korrikalariek 21,3 kilometroko eta 2.100 metroko desnibel positiboko ibilbidea egin behar izan dute. Alonso nagusitu da, 2 ordu, 53 minutu eta 57 segundoko marka eginda. Madalina Florea (2:59:46) errumaniarra eta eta Malen Osa oñatiarra (3:02:10) sartu dira haren atzetik, hurrenez hurren.

Gizonezkoetan, berriz, Patrick Kipngeno (2:29:46) kenyarra gailendu da, bigarren urtez jarraian. Philemon Kiriago (2:31:53) kenyarrak eta Bogdan Damian (2:31:56) errumaniarrak osatu dute podiuma.