Zegama-Aizkorri lasterketaren XXI. edizioa, maiatzaren 29an
Maiatzaren 29an egingo den Zegama-Aizkorri Mendi Maratoiaren XXI. edizioaren atarian, arduradunek prentsaurreko bat eman dute Gipuzkoako mendiko proba enblematiko horren xehetasun guztiak aurkezteko eta ezagutarazteko. Proba hori, Gipuzkoako gogorrena, puntuagarria izango da Golden Trail World Series 2022rako, eta aurreko edizioetan bezala, espezialitate horretako atleta onenak erakarriko ditu.
Bi urteko pandemiaren ondoren, Zegama-Aizkorri 2022 formatu tradizionalean eta ohiko egunean itzuliko da. Aratz mendigunean eta Aizkorri mendilerroan barrena egiten den mendi ertaineko ibilbideak Euskal Autonomia Erkidegoko gailurrik garaienetako lau zeharkatzen ditu: Aratz, Aizkorri, Aketegi eta Aitxuri. Zegama herritik (296 m) Otzaurteko gainera (652 m) jotzen da, eta mendate horretatik aurrera mendi bide eta bidexka ederretatik igarotzen da ibilbidea, zuhaiztietan –gehienean hariztietan–, harkaitz biziko eremu malkartsuetan eta goi mendietako larreetan barrena. Ibilbide teknikoa da, zailtasun handikoa, eta 5.472 metroko desnibel metatua du, 8 orduko gehieneko denbora, 42,195 kilometroko luzera eta 500 parte-hartzaile guztira.
Zegama-Aizkorri lasterketak beste bi proba izango ditu: alde batetik, Kilometro Bertikalaren VIII. edizioa, maiatzaren 27an Zegaman egingo dena 16:00etatik aurrera; Zegamako plazatik irten eta Iraulen amaituko den proba horrek 3.000 metroko ibilbidea du, 1.015 metroko desnibela eta guztira 200 parte-hartzaile izango ditu. Bestaldetik, XI. Zegama-Aizkorri Junior Trail proba izango dugu. Maiatzaren 29an, goizeko 10:30ean, hasiko da, eta urtez urte gero eta jarraitzaile gehiago ditu. Junior Trail proba zailtasun ertaineko proba da, 10,4 km ditu guztira, 1.016 metroko desnibela eta 100 parte-hartzaile.
13 kontrol-puntu eta horniduragune
Ibilbidea behar bezala seinaleztatuta egongo da, banderatxoak eta baliza-zintak ondo ikusteko moduan jarrita. Gainera, kilometroko erreferentziak egongo dira ibilbide osoan zehar. Probaren garapenean, antolakundeak 13 kontrol-puntu jarri ditu, eta nahitaezkoa da horietatik pasatzea, arauzko igarotze-kontrolak egiteko. Halaber, 13 horniduragune gehi helmugakoa jarriko dira. Puntu horietan produktu energetikoak eta freskagarriak eskainiko zaizkie parte-hartzaileei (ura, fruta, barrak eta edari energetikoak, besteak beste).
Lasterketa gehiena edertasun natural handiko inguruneetan egiten da, eta, beraz, guztion betebeharra izango da ingurunea zaintzea, hondakinak kontrol-eremuetatik kanpo botatzea saihestuz. Horretarako, zabor-edukiontziak jarriko dira kontrol postutik 100 metrora gehienez.
Zuzenean, eitb.eus-en, ETB1en eta ETB4n
Lasterketa zuzenean ikusi ahal izango da eitb.eus-en streaming bidez eta ETB1en, 8:45etik aurrera. eitb.eus bidez oso-osorik eskainiko da lasterketa, ETB1en, berriz, emanaldiak etena izango du 9:45ean, eta berriro itzuliko da zuzeneko emankizunera ordubete geroago, 10:45ean. Ordubeteko tarte horretan emisoak ETB4ra egingo du paso.
Zegama-Aizkorriko maratoia Sancti-Spiritu inguruan ikusteko aukerak
Lehenengo aukera da autobus bat hartzea eta gainerako ibilbidea oinez egitea. Izan ere, 07:30ean eta 08:00etan autobusa aterako da Zegamako plazatik eta trenaren geralekura igoko da. Gidarien laguntzaz, interesdunak Sancti Spirituraino zuzenean eramango dituen pista hartuko da; Sancti Spiritu inguru hori lasterketaren puntu mitikoa da, eta Supporter Point-a jarriko da bertan. Bideak 6,3 kilometroko luzera du, eta 450 metroko desnibel positiboa.
Bigarren aukera honako hau izango da: Zegamako plazatik abiatu, eta Sancti Spiritura igo oinez, Done Jakue bidea jarraituz, gezi horiz markatuta baitago. Guztira, 6,9 kilometroko igoera da, 661 metroko desnibel positiboarekin.
Zure interesekoa izan daiteke
Sara Alonsok HOKA Aran haraneko PDA proba irabazi du
06:20:12ko denbora eginda, atleta donostiarra ostegunean jokatutako probako azkarrena izan da. Garaipenaz gain, Alonsok txartel zuzena eskuratu du World Series finaletarako; izan ere, Aran haraneko lasterketa European World Series Major mailakoa da, alegia, zirkuituko Europako finala.
Nerea Amilibia eta Andoni Uzkiano nagusi, Txirrita Mendi lasterketaren 4. ekitaldian
Joan den ekainaren 21ean jokatu zen Altzan Txirrita Mendi lasterketaren 4. ekitaldia, altzatarrek Txirrita bertsolariari egiten dioten omenaldia. Andoni Uzkiano altzatarra etxean nagusitu zen gizonezkoen mailan; emakumezkoetan, berriz, Nerea Amilibia Aiako mendi korrikalari beteranoa izan zen nagusi.
Leti Bullidok eta Aitor Ugartek eskuratu dute garaipena 2026ko Ardibidepikua Kilometro Bertikalean
Izaban jokatutako proban, gainera, Euskal Herriko Txapelketa izan da jokoan, ekainaren 13an; horretan, Aitor Ugarte aramaioarra eta Garazi Abasolo aretxabaletarra gailendu dira.
Naroa Uria eta Borja Zubizarreta gailendu dira 2026ko Euskal Herria Mendi Erronkan
Ekainaren 7an jokatu zuten. Euskara, euskal selekzioa, lurraldetasuna edo ingurugiroaren babesa ditu ardatz probak, eta, balio horietan oinarrituta, urtero omentzen du norbait; aurten, Gorka Urbizu Lekunberriko musikaria hautatu dute.
Larraitz Aragon eta Iñigo Gereta nagusi, Ubidestroi mendi-lasterketan
Gorbeiako parajeetan jokatzen den lasterketa eder bezain gogorra da Ubidestroi mendi-lasterketa. Aurtengo edizioan, Iñigo Gereta gasteiztarra eta Larraitz Aragon durangarra izan dira onenak. Bideo honetan dago ikusgai laburpena.
Kilian Jornetek meniskoa hautsita zuela parte hartu zuen Zegama-Aizkorrin
Kataluniako korrikalaria 42. helmugaratu zen. "Zegama ondoren, nire gorputzak asteetan esaten ari zena ulertzea behar nuen", azaldu du Sabadelleko lasterkariak ohar luze batean.
Ehunmilak lasterketaren batzorde antolatzaileak probaren behin-betiko desegitea iragarri du eta probak lehiatzeari utziko diola baieztatu du
Bere web orrialdean argitaratutako jakinarazpen baten bidez, azkeneko hilabeteetan “proiektuaren jarraipena ziurtatzeko beharrezko ordezkorik aurkitu” ezin izan dutela nabarmendu du ultratraileko erakundeak.
Malen Osa: “Korrika hankekin egiten dugu, baina buruarekin eta bihotzarekin ere bai”
Malen Osa oñatiarrak bigarren postua eskuratu zuen emakumeen podiumean, pasa den Zegama-Aizkorri mendi maratoiean. Hirugarren urtea du parte hartzaile bezala, eta oraindik asko geratzen zaizkiola dio Salomoneko mendi korrikalariak.
Lasterketako protagonistak: “Oso pozik nago, baina guztiz apurtuta amaitu dut lasterketa"
Lasterketa amaitu ostean, EITBk mendi maratoiaren 25. edizioan lehen postuetan ibili diren atleta batzuekin hitz egin du.
Alexanderssonek eta Elazzaouik lortu dute garaipena Zegama-Aizkorrin; oso jendetsua izan da, eta lokatzak markatu du
Suediarrak lasterketako errekorra hautsi du, eta marokoarrak bigarrenez jarraian lortu du garaipena. Zegama-Aizkorriren 25. edizioan, ikuskizun ederra izan da.