Gorbeia Suzien mendi lasterketak Munduko Kopako finala hartuko du aurten
Zeanurin (Bizkaia) jokatzen den Gorbeia Suzien probak skyrunning modalitateko Munduko Kopako finala hartuko du 2022ko urriaren 8an, hau da, mendi-lasterketen espezialitateko 40 atleta onenek parte hartzen duten lehiaketa, hain zuzen ere.
Antolatzaileek iragarri dutenez, Munduko Kopa maiatzaren 8an hasiko da Frantzian, eta Portugal, Japonia, Austria, Kanada, Katalunia, Andorra, Norvegia, Suitza, Italia eta Bulgaria igaro ondoren, urriko bigarren larunbatean erabakiko da Gorbeiako aldapetan.
Jurek Ziemkiewicz Gorbeia Suzien probako zuzendariaren ustez, Munduko Kopako finala "erronka handia da, baina baita Zeanuri mundu osoan ezagutarazteko aukera paregabea ere".
"Ilusioz hartu dugu ISF (Nazioarteko Skyrunning Federazioa) erakundearen erabakia, eta, urtero bezala, lasterketa handi, ikusgarri eta erakargarri bat antolatzeko lanean ari gara. Zeanurira datozen pertsonek gozatu egin behar dute", azpimarratu du.
Lasterketak ohiko formatua izango du, hau da, 32 kilometroko eta 21 kilometroko bi proba izango dira. Iaz 800 korrikalari inguru bildu ziren bertan, eta Denisa Dragomir errumaniarrak eta Zaid Ait Malek marokoarrak irabazi zuten.
Zure interesekoa izan daiteke
Malen Osa: “Korrika hankekin egiten dugu, baina buruarekin eta bihotzarekin ere bai”
Malen Osa oñatiarrak bigarren postua eskuratu zuen emakumeen podiumean, pasa den Zegama-Aizkorri mendi maratoiean. Hirugarren urtea du parte hartzaile bezala, eta oraindik asko geratzen zaizkiola dio Salomoneko mendi korrikalariak.
Lasterketako protagonistak: “Oso pozik nago, baina guztiz apurtuta amaitu dut lasterketa"
Lasterketa amaitu ostean, EITBk mendi maratoiaren 25. edizioan lehen postuetan ibili diren atleta batzuekin hitz egin du.
Alexanderssonek eta Elazzaouik lortu dute garaipena Zegama-Aizkorrin; oso jendetsua izan da, eta lokatzak markatu du
Suediarrak lasterketako errekorra hautsi du, eta marokoarrak bigarrenez jarraian lortu du garaipena. Zegama-Aizkorriren 25. edizioan, ikuskizun ederra izan da.
Tove Alexanderssonek Zegama-Aizkorriko marka hautsi du, eta Elhousine Elazzaoui iaz bezala nagusitu da
04:08:10eko denbora eginda, Alexanderssonek 8 minutu baino gehiago hobetu du mendi maratoiaren aurreko marka; gizonezkoen lasterketan, Elazzaoui gailendu da, aurreko ekitaldian ere egin zuenez.
ZUZENEAN: Zegama-Aizkorri
Zegama-Aizkorri mendi lasterketaren zuzeneko emanaldia.
Nienke Brinkmanek eta Stian Angermundek irabazi dute Kilometro Bertikala
Eguraldiak baldintzatutako proba izan da, eta horren ondorioz ibilbidea laburtu egin behar izan dute. Gizonezkoetan Stian Angermundk izan da azkarrena, 32 minutu eta 47 segundo eginda. Emakumezkoetan, berriz, Nienke Brikmanek lekukoa hartu dio Naiara Irigoien azken hiru urteetako irabazleari. 38 minutu eta 21 segundotan gelditu du kronoa. Bi irabazleak, gainera, maratoia ere irabazitakoak dira.
Tove Alexandersson, Zegama-Aizkorriko faborito nagusia emakumezkoetan
Igande honetako Zegama-Aizkorri mendi maratoian luxuzko parte-hartzaileak izango dira, tartean Kilian Jornet eta Tobe Alexandersson. Gu korrikalari suediarrarekin izan gara.
Zegama-Aizkorriko Kilometro Bertikala murriztu dute baldintza meteorologiko txarrak iragarri baitituzte
Irteera Zegamako plazan izango da, 16:00etatik aurrera (hori ez da aldatuko), baina helmuga Itzubiagako txabolan izango da; aldaketa hori kontuan izanik, lasterketak 5 bat kilometroko ibilbidea izango du, eta desnibel positiboa 760 metrokoa izango da.
Podiumean egon nahi du Sara Alonsok igandeko Zegama-Aizkorrin, denbora hobetzeaz gain
Iaz irabazi ostean, aurtengo Zegama-Aizkorri presio gutxiagorekin bizi du Sara Alonso korrikalari donostiarrak. Hala ere, marka hobetu nahi du, eta podiumaren bila ere irtengo da igandean.
Zegama-Aizkorriren atzean dagoen esperientzia emozionala, aztergai
Zegama-Aizkorri mendi-maratoiaren atzean dauden sentimenduetan sakondu dute Deustuko Unibertsitateko ikertzaileek lan baten bidez. Zer-nolako ondorioak atera dituzten azaldu dute bideo honetan.