Manuel Merillas eta Laura Orgue, garaile Gorbeia Suzien Ternua proban
Manuel Merillas eta Laura Orgue izan dira Gorbeia Suzien Ternua 2015 mendi-lasterketako irabazleak. Gorbeiako Parke Naturaletik 31 kilometroko eta 2.400 metroko desnibeldun ibilbidea osatu behar izan dute parte hartzaileek. Zeanurin bildu dira 'Skyrunner National Series Spain, Andorra & Portugal' txapelketako lasterkari onenak.
Gizonezkoen mailan, gauzak estu egon dira azken kilometroetara arte. Merillasek azken txanpan gogotik bizitu du erritmoa eta Zeanurin kokatuta egon den helmuga lehen postuan gurutzatu du, 2 ordu, 57 minutu eta segundo bateko markarekin. Tofol Castanyer Baleareetako lasterkaria izan da bigarren irabazlearengandik 14 segundora. Jokin Lizeaga euskaldunak osatu du podiuma, hirugarren postuan bukatu ostean. Merillasek baino 33 segundo gehiago behar izan ditu Lizeagak ibilbidea burutzeko, eta bigarren sailkatuak baino 19 segundu gehiago soilik.
Emakumezkoen mailan, Laura Orguek hasieratik agindu du, baina Paula Cabrerizo madrildarrak gogotik lan egin arazi dio. Orguek 3 ordu, 29 minutu eta 26 segundo behar izan ditu helmuga gurutzatzeko. Paula Cabrerizo izan da bigarren, 12 segundora. Ohiana Kortazar euskaldunak hirugarren postuan bukatu du lasterketa. Kortazarrek, irabazleak baino 50 segundo gehiago behar izan ditu Gorbeia Suzien Ternua 2015 lasterketako ibilbidea burutzeko.
Zure interesekoa izan daiteke
Larraitz Aragon eta Iñigo Gereta nagusi, Ubidestroi mendi-lasterketan
Gorbeiako parajeetan jokatzen den lasterketa eder bezain gogorra da Ubidestroi mendi-lasterketa. Aurtengo edizioan, Iñigo Gereta gasteiztarra eta Larraitz Aragon durangarra izan dira onenak. Bideo honetan dago ikusgai laburpena.
Kilian Jornetek meniskoa hautsita zuela parte hartu zuen Zegama-Aizkorrin
Kataluniako korrikalaria 42. helmugaratu zen. "Zegama ondoren, nire gorputzak asteetan esaten ari zena ulertzea behar nuen", azaldu du Sabadelleko lasterkariak ohar luze batean.
Ehunmilak lasterketaren batzorde antolatzaileak probaren behin-betiko desegitea iragarri du eta probak lehiatzeari utziko diola baieztatu du
Bere web orrialdean argitaratutako jakinarazpen baten bidez, azkeneko hilabeteetan “proiektuaren jarraipena ziurtatzeko beharrezko ordezkorik aurkitu” ezin izan dutela nabarmendu du ultratraileko erakundeak.
Malen Osa: “Korrika hankekin egiten dugu, baina buruarekin eta bihotzarekin ere bai”
Malen Osa oñatiarrak bigarren postua eskuratu zuen emakumeen podiumean, pasa den Zegama-Aizkorri mendi maratoiean. Hirugarren urtea du parte hartzaile bezala, eta oraindik asko geratzen zaizkiola dio Salomoneko mendi korrikalariak.
Lasterketako protagonistak: “Oso pozik nago, baina guztiz apurtuta amaitu dut lasterketa"
Lasterketa amaitu ostean, EITBk mendi maratoiaren 25. edizioan lehen postuetan ibili diren atleta batzuekin hitz egin du.
Alexanderssonek eta Elazzaouik lortu dute garaipena Zegama-Aizkorrin; oso jendetsua izan da, eta lokatzak markatu du
Suediarrak lasterketako errekorra hautsi du, eta marokoarrak bigarrenez jarraian lortu du garaipena. Zegama-Aizkorriren 25. edizioan, ikuskizun ederra izan da.
Tove Alexanderssonek Zegama-Aizkorriko marka hautsi du, eta Elhousine Elazzaoui iaz bezala nagusitu da
04:08:10eko denbora eginda, Alexanderssonek 8 minutu baino gehiago hobetu du mendi maratoiaren aurreko marka; gizonezkoen lasterketan, Elazzaoui gailendu da, aurreko ekitaldian ere egin zuenez.
ZUZENEAN: Zegama-Aizkorri
Zegama-Aizkorri mendi lasterketaren zuzeneko emanaldia.
Nienke Brinkmanek eta Stian Angermundek irabazi dute Kilometro Bertikala
Eguraldiak baldintzatutako proba izan da, eta horren ondorioz ibilbidea laburtu egin behar izan dute. Gizonezkoetan Stian Angermundk izan da azkarrena, 32 minutu eta 47 segundo eginda. Emakumezkoetan, berriz, Nienke Brikmanek lekukoa hartu dio Naiara Irigoien azken hiru urteetako irabazleari. 38 minutu eta 21 segundotan gelditu du kronoa. Bi irabazleak, gainera, maratoia ere irabazitakoak dira.
Tove Alexandersson, Zegama-Aizkorriko faborito nagusia emakumezkoetan
Igande honetako Zegama-Aizkorri mendi maratoian luxuzko parte-hartzaileak izango dira, tartean Kilian Jornet eta Tobe Alexandersson. Gu korrikalari suediarrarekin izan gara.