Chourrautek zazpigarren amaitu du Oklahomako Muduko Txapelketaren kayak finala, eta Echanizek hamargarren
Emakumezkoen K1 finalean, Jessica Fox australiarrak lortu du urrea, Evy Leibfarth estatubatuarrak zilarra eta Kimberley Woods ingelesak brontzea. Gizonezkoen K1 finalean, Jakub Krejci txekiarrak irabazi du, Michal Pasiut poloniarrak zilarra eta Giovanni De Gennaro italiarrak brontzea.
Maialen Chourraut. Argazkia: Basque Team
Maialen Chourraut piraguista lasartearra zazpigarren izan da ostegun honetan emakumezkoen K1eko finalean, Oklahoma Cityn (AEB) jokatzen ari den eslaloiko Munduko Txapelketan. Pau Echaniz donostiarrak, berriz, hamargarren bukatu du gizonezkoen K1eko finala.
Chourrautek finalean parte hartu du, finalerdian seigarren izan ondoren, 98.13ko markarekin. Eta finaleko jaitsiera erabakigarrian, Lasarte-Oriako palistak 97.05eko denbora egin du, eta zazpigarren postuan sailkatu da.
Jessica Fox australiarrak lortu du urrea (92.06), Evy Leibfarth estatubatuarrak zilarra (93.37) eta Kimberley Woods ingelesak brontzea (94.91).
Gizonezkoen probari dagokionez, Echaniz zazpigarren izan da (87.36) finalerdian. Eta dominak lortzeko jaitsieran, Echanizek 90.02ko marka egin du. Jakub Krejci txekiarrak irabazi du (83.65) txapelketa, Michal Pasiut poloniarrak zilarra (84.34) eta Giovanni De Gennaro italiarrak brontzea (85.27).
Zure interesekoa izan daiteke
Carlota Cigandak bosgarren postua lortu du Shanghain
Carlota Cigandak bosgarren postuan hasi du Asiako bira Shanghain
Felix Iñurrategiren omenezko murala egin dute Aretxabaletan
1 Formula Afrikara itzuliko da: Sari Nagusi bat egingo da Ruandan, 2030etik aurrera
Egoitz Bijueska skaterrak bigarrenez irabazi du Munduko Txapelketa
Ariane Toro judoka, Munduko Txapelketatik bueltan: “Lortutako zilarra ametsa da"
Jon Rahmek ez du LIV Golf zirkuituan jarraituko
Jannik Sinnerrek ez du partidarik jokatuko 2027ra arte, belaunean duen lesioagatik
Rahmek ez du Espainiako Golf Irekia jokatuko
