Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Jon Martin, Realaren partida batean. Argazkia: Europa Press.
Realak eta Jon Martinek akordioa lortu dute Lasarteko zentrala, 20 urtekoa, 2032ra arte berritzeko. Klubak adierazi duenez, "Jon Martin txuri-urdinen oraina eta etorkizuna da. 20 urte besterik ez duen arren, Lasarte-Oriako atzelaria hamaikakoan finkatu da eta funtsezkoa da taldearen atzeko lerroan. Elitean agerpen bikaina egin du, eta onena etortzeko dago"
Jon Martinek adierazi du “oso pozik” dagoela kontratua luzatu duelako. “Realak dena eman dit”, esan du. Zentzu horretan, atzelariak argi du nori begiratu behar dion hazten jarraitzeko: “Mikel (Oyarzabal), Igor (Zubeldia), Ander (Barrenetxea)… Erreferenteak dira, eta haiei ahalik eta gehien ikasten saiatzen naiz”, adierazi du jokalariak.
Realaren lehen taldean izan duen inpaktua ez da inorentzat oharkabean geratu. 23/24 denboraldian egin zuen debuta lehen taldearekin, Imanol Alguacilen eskutik, eta ordutik 50 partida jokatu ditu Liga, Errege Kopa eta Europa Ligaren. Azken denboraldian, gainera, bi gol sartu zituen eta funtsezkoa izan zen Errege Kopako titulua lortzeko Atletico Madrilen aurka.
Bere berritzearekin, Donostiako klubak maila handiko zentral batekin jarraitzea ziurtatzen du, jokalaria oso gaztea izan arren. Etorkizunera begira, proiekzio handia duen atzelaria da, are gehiago uda honetan Aritz Elustondok kluba utzi duela kontuan hartuta. Beasaindarra aldagelako erreferenteetako bat zen eta Jon Martinek bere lider rola hartzea espero da.
Zure interesekoa izan daiteke
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.