Bost euskal kirolari lehiatuko dira Milan-Cortina d'Ampezzoko Joko Olinpikoetan
Alde batetik, Basque Team Fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan: Lucas Eguibar, Alvaro Romero eta Arrieta Rodriguez; baita Daniel Milagros abiadurako patinatzaile iruindarra ere. Bestetik, Manex Salsamendi euskal herritar-brasildarra iraupen eskian lehiatuko da Brasilgo selekzioarekin.
Basque Teamek ohar batean jakitera eman duenez, fundazioaren beka duten hiru kirolari Espainiako selekzioarekin lehiatuko dira otsailaren 6an hasiko diren Joko Olinpikoetan. Espainiako Batzorde Olinpikoak gaur argitaratu du Milan-Cortina d'Ampezzora joango diren 20 kirolarien zerrenda. Horien artean daude Lucas Eguibar eta Alvaro Romero snowboardlariak eta Arrieta Rodriguez alpetar eskiatzailea.
Era berean, Daniel Milagros abiadurako patinatzaile iruindarrak Espainiako selekzioarekin parte hartuko du.
Gainera, Manex Salsamendi euskal herritar-brasildarra iraupen eskian lehiatuko da Brasilgo selekzioarekin. Bigarren Olinpiar Jokoak izango dira Salsamendirentzat. Pekinen eskiatzaile gazteenetako bat izan zen, 18 urte eskasekin lehiatu baitzen, Berria-k azaldu duenez.
Lucas Eguibarrentzat, Milan-Cortina d 'Ampezzokoak bere laugarren Jokoak izango dira, Sotxi 2014, Pyeongchang 2018 eta Beijing 2022 txapelketetan lehiatu ondoren eta Errusian eta Txinan lortutako zazpigarren postuengatik bi diploma eskuratu eta gero.
Alvaro Romero eta Arrieta Rodriguezek, berriz, Italiako Jokoetan debuta egingo dute maila absolutuko lehiaketa olinpiko batean. Snowboardlari donostiarrak brontzezko domina lortu zuen 2000. urtean Lausanan jokatutako Gazteriaren Jokoetan.
Bestalde, Arrieta Rodriguez eski alpinoko emakumeen erreferentea estatu mailan. 23 urterekin aurrerapauso handia eman du 2025/2026 denboraldian, FIS proba askotan parte hartu baitu eta Europan garaipenak eskuratu baititu.
Ainhoa Ybarra Calgary (88), Albertville (92), Lillehamer (94) eta Naganoko (98) Jokoetan lehiatu zenetik, lehen emakume euskal herritarra izango da Arrieta Neguko horrelako hitzordu batean. Donostiarraren lehiaketak, beraz, euskal emakume baten parte-hartzea ekarriko du Jokoetan, 28 urte geroago.
Lucas Eguibar eta Alvaro Romero otsailaren 12an lehiatuko dira snowboardcrosseko sailkatze-proban eta lasterketan Livignoko egoitzan, eta Arrieta Rodriguezek eski alpinoko eslalomean parte hartuko du otsailaren 18an Tofane Alpine Skiing Centren.
Zure interesekoa izan daiteke
Jordan Stolzek bereganatu du urrea 1000 metroko abiadura proban; Daniel Milagros nafarra hogeita zazpigarren izan da
Milagrosek, 1:11,25eko markarekin, txapeldun olinpikoak baino 4,87 segundo gehiago behar izan ditu ibilbidea osatzeko.
Daniel Milagros asteazkenean arituko da izotz gaineko abiadurako patinajean, 1.000 metroko lasterketan: “Proba oso gogorra da”
Nafarrak, 23 urtekoa bera, “esperientziaz asko gozatzen saiatzen” ari da. Asteazkenean, 18:30ean, Neguko Olinpiar Jokoetan ibiliko da.
Manex Salsamendi ez da iraupen-eskiko esprint klasikoko final-laurdenetarako sailkatu
Kalifikazio-proban 48. postuan geratu da, 3:25:48 minutuko marka eginda, sailkapenetik zazpi segundora.
Dominak zergatik hausten ari diren ikertuko dute Milan-d'Ampezzoko Olinpiar Jokoetako antolatzaileek
Domina lortu duten hainbat kirolarik hausten ari direla salatu dute.
Seattle Seahawks vs New England Patriots Super Bowl 2026 finaleko argazki-galeria
Seattle Seahawksek New England Patriots 29-13 garaitu zuen Super Bowl finalean, eta taldearen historiako bigarrena eskuratu. Atsedenaldian, Bud Banny artista puertorricarrak, Lady Gaga eta Ricky Martinekin batera, kontinentearen batasunaren aldeko aldarria egin zuen. Partidaren zein emanaldiaren argazkiak daude hemen ikusgai.
Oier Ibarretxe boxeolariak brontzea lortu du BOXAM International txapelketan
Galdakaoko boxeolariak brontzezko domina eskuratu du bere kategorian, hiru borrokaldi egin ondoren: lehena Belgikako ordezkariaren aurka, bigarrena Kanadakoaren aurka eta hirugarrena, finalerdietan, Ukrainakoaren kontra.
Rahm kolpe batera geratu da LIV Golf zirkuituko 2026ko lehen txapelketan
Bigarren sailkatu da, irabazlearengandik kolpe batera (265 kolpe, -23), eta azken unera arte egin dio aurre garaile atera den Smylieri.
Ariane Torok zilarrezko domina eskuratu du Parisko Grand Slamean
Ariane Toro Soler nafarrak zilarrezko domina irabazi du Parisko Grand Slamean, 52 kilotik beherako kategorian, finalean Krasniqi kosovarraren aurka galduta.
Milan-Cortina d'Ampezzo: 2026ko Neguko Olinpiar Jokoak, abian
Neguko Olinpiar Jokoen XXV. ekitaldia da; bertan, bost euskal kirolarik lehiatuko dute: Manex Salsamendik, Daniel Milagrosek, Lucas Eguibarrek, Alvaro Romerok eta Arrieta Rodriguezek. Hasiera ekitaldia ostiral honetan izanen da, eta amaiera, berriz, hilaren 22an.
