Albiste da:

Naroa Arrasatek brontzezko domina bereganatu du halterofiliako Europako Txapelketako 64 kiloko mailan

Atarrabiakoa hirugarren izan da 64 kiloko mailako bi aldiko modalitatean, 122 kiloko altxaldiarekin. Graillot bigarrenarekiko kilo bkarrera geratu da. Davis izan da txapelduna, 127 kilo altxatuta.

EITB

2025/04/17 - 12:41

Azken eguneratzea

2025/04/17 - 12:41

Naroa Arrasate nafarrak brontzezko domina bereganatu du Chisinaun (Moldava) jokatzen ari den halterofiliako Europako Txapelketako 64 kilora arteko mailako bi aldiko modalitatean.

Arrasatek 122 kiloko altxaldiarekin lortu du hirugarren postua, eta bigarren izan den Vicky Graillot frantziarrarekiko (123 kilo jaso ditu) kilo bakarrera geratu da. Sarah Davis britainiarrak izan da txapelduna, 127 kilo altxatuta.

Atarrabiakoak 117 kilo altxatu ditu lehen jasoaldian; gero, 120koarekin kale egin du, baina bere azken saiakeran 122 kilo altxatuta, berak Mananako Munduko Txapelketetan ezarritako Espainiako errekorra berdindu du.