Horrelakoa izan da euskal kirolarien jardunaldia Parisko 2024ko Paralinpiar Jokoetan abuztuaren 30an, ostirala
BOCCIA
Amagoia Arrieta debatarrak Aurelie Auberten aurka ekin dio Joko Paralinpikoetan parte hartzeari. Arrietak azken unera arte borrokatu du B Pool-eko bere lehen partidan, Aubert frantziarraren aurka. Hiruna berdindu dute, eta partida azken jokoan erabaki da frantziarraren alde (1-2). Amagoiak Yee Tan Singapurreko jokalaria izango du aurkari, larunbatean, hilak 31.
TXIRRINDULARITZA
Eduardo Santas nafarrak brontzezko lasterketa jokatu du C3an, bere multzoko hirugarren postuan geratuta, 2024ko Parisko Paralinpiar Jokoetan 3:25eko denbora eginda, baina finalean ezin izan du domina eskuratu.
ARRAUNA
Perle Bouge arraunlariak ezin izan du zuzenean sailkatu binakako scull mistoko A finalera ostegun honetan. Angeluko atleta, Benjamin Davietekin lehiatu dena, hirugarren sailkatu da bigarren multzoan 8:10.40ko denborarekin.
Horrela, bigarren aukera bat bilatuko du larunbat honetan, abuztuak 31.
GURPILDUN SASKIBALOIA
Asier Garcia bilbotarrak Espainiako selekzioarekin irabazi du Australiaren aurkako multzoko bigarren partida (68-60). Estatu Batuen aurkako lehen jardunaldiko porrotaren ondoren, Garciaren taldea hirugarren laurden bikain bati esker nagusitu da (19-5). Lortutako errenta ezinbestekoa izan da garaipena ziurtatzeko, australiarrek puntutan bikoiztu baitituzte azken laurdenean (16-30). Hurrengo partida Herbehereen aurka jokatuko dute irailaren 1ean, igandean.
Emakumezkoen txapelketan, Agurtzane Egiluzek, Laura Ugartek, Naiara Rodriguezek eta Bea Zudairek porrot egin dute Espainiako selekzioarekin Txinaren aurka (64-38). Lehen eta laugarren laurdenak txinatarren alde erori ondoren (25-7), hirugarrenean Espainiak emaitza apur bat makillatzea lortu du, baina abantaila gaindiezina zen eta ez dute garaipenerako aukerarik izan.
TIROA
Aire-erriflearekin egindako tiroan, Fernando Michelena donostiarrak ez du finalerako txartela lortu. Zortzi onenak bakarrik pasatzen ziren errondaz eta, 628.4ko puntuazioarekin, 19. postuan geratu da.
Hala ere, modalitate mistoan lehiatzen jarraituko du datorren asteazkenean, irailaren 4an.
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.