Albiste da:

Yannik Paulek irabazi du Mallorcako Irekia; Adrian Otaegui, lehen postuetatik urrun

Alemaniarra nagusitu da amaiera zirraragarria izan duen txapelketan, 269 kolpeko txartelarekin. Otaeguik ezin izan du egon garaipena lortzeko lehian.

Adrián Otaegui, Mallorcako Irekian. Argazkia: EFE

EITB

2022/10/23 - 21:27

Azken eguneratzea

2022/10/23 - 21:27

Yannik Paulek irabazi du Mallorcako Irekia igande honetan (urriak 23). Alemaniarrak debut ezin hobea egin du Europako Zirkuituan (DP World Tour). Bestalde, Adrian Otaegui donostiarrak 47. amaitu du.

Amaiera zirraragarria izan du txapelketak. Berdinketa hausteko beste zulo bat jokatu beharko zutela ematen zuenean Paulek 'birdie' batekin bukatu du azken eguneko ibilbidea eta garaipena bereganatu du.

Ezustekoa emanda nagusitu da Paul Mallorcan. Bigarren postuan berdinduta, irabazlearekiko kolpe bakarrera (270) geratu dira Nicolai von Dellingshausen eta Paul Waring.

Adrian Otaeguik ez du aukerarik izan garaipenaren borrokan egoteko eta 47. izan da 280 kolpeko txartelarekin.