Euskal kirolarien probak eta egutegia
Beijing 2022 Neguko Olinpiar jokoak ostiralean, otsailak 4, abiatu dira, 13:00etan (Euskadiko ordua) egindako hasiera ekitaldiarekin. Imanol Rojo (iraupen eskia), eta Adur Etxezarreta eta Manex Salsamendi (eski alpinoa) kirolariek igandean, otsailak 6, ekingo diote lehiaketari. Lucas Eguibarrek (snowboard), berriz, otsailaren 10ean, ostegunean, egingo du debuta.
LUCAS EGUIBAR
Donostia, 1994-02-09
Kirola: Snowboard
Egungo munduko txapelduna gurasoen eskutik hasi zen eskiatzen, 2 urte zituela, eta 5 urterekin eski alpinoan lehiatzeari ekin zion. Prestatzen ari zen bitartean, snowboarda gustuko zuenaz konturatu zen eta 7 urterekin kirol horretan saiatzea erabaki zuen. Ama izan zuen irakasle. 15 urte bete arte eskiarekin jarraitu zuen, baina orduan Espainiako snowboard txapelketetara aurkeztu zen eta oso emaitza onak lortu zituen.
2012an Europako zirkuitua irabazi zuen eta 2013an Munduko Kopan lehenengo podiuma lortu zuen, Arosako estazioan, Suitzan, hirugarren bukatuta. Munduko txapelduna ere izan zen junior mailan, Turkian.
Sotxi, berriz, zazpigarren egin zuen.
2015ean snowboardeko Munduko Kopako txapeldun izan zen. Bi urte geroago, 2017ko Sierra Nevadako Munduko txapelketan zilarezko bi domina irabazi zituen snowboardcrossean; bat banaka eta bestea taldeka.
2020an, koronabirusaren pandemiak bere denboraldia murriztu duen arren, Lucas
Eguibarrek Sierra Nevadako Munduko Kopa irabazi zuen. Hala ere, onena iristear zegoen. Lucasek loria lortu zuen 2021eko otsailean Idre Fjälleko (Suedia) Munduko Txapelketan, foto-finisharekin erabakitako emozioz beteriko finala irabazita.
Eguibar 2022ko Beijingeko Jokoetan podiumera igotzeko faboritoetako bat da.
Egutegia
Otsailak 10: Snowboardcross, sailkapena eta finalak
IMANOL ROJO
Tolosa, 1990-11-30
Kirola: Iraupen-eskia
Imanolek, 5 urte zituela, bere anaia zaharrarekin, gaur egun bere teknikaria den
Iosebarekin hasi zen eskiatzen eta harrezkeroztik ez da eskietatik jaitsi. 11 urterekin Uzturre Elkartearekin lehiatzen hasi zen eta 15 urte izan arte jasotako emaitzei esker estatuko taldean sartu zen 2005ean.
Nazioarteko hainbat txapelketetan aritu da, Europako txapelketetan, Munduko Kopetan, Munduko txapelketetan eta garrantzitsuenaK: 2014ko Sotxiko Olinpiar Jokoetan, Errusian, eta 2018ko Pyeongchangeko Jokoetan, Hego Korean. Errusian eskiatloian (50. postua), 1,4km sprint proban (60. postua), 15 kilometro estilo klasikoko proban (50. postua) eta 50 kilometroko mass start proban (33. postua) hartu zuen parte.
Korean eskiatloian (49. postua), estilo libreko 15 kilometrokoan (62. postua), 50 kilometroko mass start proban (35. postua) eta taldekako proban (19. postua) lehiatu zen.
Egutegia
Otsailak 6: Eskiatloia 15km + 15km
Otsailak 11: 15km estilo klasikoan
Otsailak 19: 50km estilo librean, masan egindako irteeran
ADUR ETXEZARRETA
Donostia, 1996-01-27
Kirola: Eski alpinoa
Nahiz eta Donostian jaio, Nafarroako Areso herritartzat dauka bere burua, eta han bizi izan da bere bizitzaren zatirik handienean.
Trial azkarrean espezialista da 2012ko urtarriletik, Etxezarretak 2017ko abenduaren 21ean egin zuen debuta Europako Kopan.
Urte hasiera historikoa egitetik dator. 2022ko urtarrilaren 14an, bere lehen podiuma lortu zuen Europako Kopan (2. mailakoa), jaitsieran, Tarvision, 1:47.71ko denbora eginda 3300 metro korritzeko. Modalitate honetan domina bat erdietsi duen lehena da estatu mailan.
Egutegia
Otsailak 6: Jaitsiera
Otsailak 8: Super erraldoia
Otsailak 11: 15km estilo klasikoan
Otsailak 19: 50km estilo librean, masan egindako irteeran
MANEX SALSAMENDI
Río Branco (Brasil), 2002-07-24
Kirola: Iraupen-eskia
Manex Salsamendi Silva Brasilgo iparraldean jaio zen eta zortzi urterekin iritsi zen Isabara. Han ezagutu zuen iraupen eskia eta praktikatzen hasi zen Aitor Salsamendi bere aitarekin.
Pirineos de Roncal klubeko diziplinan hezia, iraupeneko eskiatzaile gisa, bere kirol ibilbideko lehen zita olinpikoari ekingo dio 19 urterekin.
Egutegia
Otsailak 6: Eskiatloia 15km +15km
Otsailak 8: Esprint estilo librea, sailkapen txanda eta finalak
Otsailak 11: 15km estilo klasikoan
Otsailak 19: 50 km estilo librean, masan egindako irteeran
Zure interesekoa izan daiteke
Carlota Ciganda 71 kolpeko txartelarekin estreinatu da Chevron Championshipen, bat parraz azpitik
Nafarrak bi birdie egin ditu, 5. eta 14. zuloetan, baina 9. zuloan bogey bat ere egin du. Eguneko gainerako zuloetan parra egin du. Ciganda bederatzigarren geratu zen iaz Chevron Championshipen.
Hawaiiko Kaiwi kanala, Iskander Sagarminagaren hurrengo erronka
Iskander Sagarminaga igerilari galdakaoztarrak aurrean duen hurrengo erronkaren berri eman du: Hawaiiko Kaiwi kanala zeharkatu nahi du, Molokai uhartean.
?fmt=webp-alpha&qlt=80)
Jon Rahmek LIV Golf Mexico City txapelketa irabazi du, eta hogeigarren postuan jarri da munduko sailkapenean
2026ko denboraldian, bigarrenez eskuratu du garaipena euskal golf jokalariak; izan ere, Hong Kongen ere gailendu zen. Mexikon, Rahmek paretik azpiko 21 egin du, alegia, bigarren sailkatuak baino sei kolpe gutxiago behar izan ditu.
Ainhize Belar: “15 egunetan hiru 9A bide egitea lortu dut, espero ez nuen zerbait da eta kriston motibazioa eman dit"
Eskalatzaile bizkaitarrak bere lorpenak errepasatu ditu denboraldi honetan, besteak beste, 'La Reina Mora' eta 'Estado Crítico'. Gainera, eskaladaren hazkundea azpimarratu du oro har, eta bereziki emakumeek kirol honetan duten parte-hartzea, batez ere "arrokan" eskalatzen.
McIlroyk irabazi du Augustan, bigarren aldiz jarraian; Rahmek, berriz, 39. postuan amaitu du
Barrikakoak ez zuen txapelketa ondo hasi ostegunean, eta aukerarik gabe iritsi zen azken jardunaldira. 289 kolperekin itxi zuen lehia.
Jon Rahmek agur esan dio garaipenerako borrokari Augustako Mastersean
Barrikako golf jokalariak ez du hirugarren jardunaldian suspertzerik lortu, eta Rory McIlroyren gainbeherak final irekia utzi du Cameron Youngekin batera.
Rahmek ozta-ozta egin du aurrera Augustako Mastersean
Jose Maria Olazabal, bi aldiz txapeldun izandakoa, kanpoan geratu da. Rory McIlroy iazko txapeldunak, berriz, sendo jarraitzen du titulua berriro irabazteko bidean.
Rahmek bigarren jaka berdea jantzi nahi du, McIlroyk bigarrena jarraian eta Schefflerrek Augustan historia egin
Lehen aldia da Barrikako, Ipar Irlandako eta Estatu Batuetako hiru golflariak Erresuma Batuko Irekitik, iragan uztailetik, txapelketa batean elkartzen direna. Bestalde, Jose Maria Olazabal hondarribiarrak berriro parte hartuko du, biziarteko tokia gordeta baitu 1994an eta 1999an lortutako garaipenengatik.
Janire Gonzalez-Etxabarri eta Adur Amatriain, Europako txapelketa irabazi ondoren: “Ez zen gure helburua, baina lortu dugu"
Txapelketara belauneko arazoekin iritsi zela aitortu du surflari zumaiarrak. Pare bat manga gainditzea xede zuela erantsi du Gonzalez-Etxabarrik. Era berean, Amatriainek esan du zazpigarren postua zuela helburu, Challengerrera sailkatzeko.
“Moztaileak Munduan” dokumentala, asteazken gauean, ETB1en
“Moztaileak Munduan” dokumentalak ardi moztaileen lana eta Euskal Selekzioak Zeelanda Berrian bizi izan zuen esperientzia ditu ardatz. Aurrestreinaldia egin dute gaur, Abadiñoko Errota Kultur Etxean.