Rahm postu bat jaitsi da munduko sailkapenean; Cigandak eutsi egin dio bereari
Jon Rahmek postu bat egin du behera munduko sailkapenean, Austinen (Texas, AEB) Match Play eran jokatutako munduko txapelketan taldekako fasea gainditu ezinda geratu eta gero. Bizkaitarrak 8. multzoan jardun zuen, eta garaipen bat, berdinketa bat eta porrot bat pilatu zituen.
Rahm Si Woo Kim hego-korearrari gailendu zitzaion (7-5) asteazkenean; ostegunean, galdu egin zuen J.B. Holmes estatubatuarraren aurka (2-1), eta, ostiralean, berdindu egin zuen Matt Kuchar estatubatuarrarekin. Hain zuzen ere, Kuchar izan zen Rahmen multzotik aurrera egin zuen golf-jokalaria. Finalera ere heldu zen, baina amore eman behar izan zuen Kevin Kisner herrikidearen kontra.
Carlota Ciganda nafarra, bere aldetik, KIA Classic (Kalifornia, AEB) txapelketan aritu zen. Cigandak ezin izan zuen aurreko asteburuko maila bikaina erakutsi, eta kortea gainditu gabe geratu zen. Ultzamako kirolariak zazpi kolpe egin zituen zelaiko parretik gora (72); izan ere, 73 eta 78 kolpe behar izan zituen ibilbidea betetzeko lehian aritu zen bi egunetan.
Nahiz eta aste honetan emaitza txarra lortu, ultzamarrak munduko lehen hamarren artean jarraitzen du. Hamargarren dago, aurreko astean bezala, hain justu ere.
Kaliforniako txapelketa Nasa Hataoka japoniarrak bereganatu zuen (-18). Emaitza horren ostean, Hataoka hirugarren dago munduko sailkapenean.
Zure interesekoa izan daiteke
Rybakina nagusitu da AEBko Irekian, finalean Sabalenka menderatuta
Elena Rybakinak irabazi du AEBko Irekia, Aryna Sabalenka 6-4, 5-7 eta 6-2 mendean hartuta. Garaipen honekin, kazakhstandarrak bere hirugarren Grand Slama lortu du, eta munduko lehen postua.
Miren Lazkanok zilarra irabazi du La Seu d'Urgelleko Munduko Kopako kanoa proban
12 onenen txandan, Lazkanok 104.55eko azken denbora egin du, eta Ana Satila brasildarrarengandik 0.70era sailkatu da.
Zverev eta Shelton, AEBko Irekiko finalean
Alexander Zverevek eta Ben Sheltonek jokatuko dute igande honetan AEBko Irekiko finala, Karen Khatxanov eta Frances Tiafoe gainditu ostean, hurrenez hurren.
Maialen Chourraut, hirugarrena K1eko sailkapen nagusian
Euskal palistak denboraldi bikaina egin du K1eko Munduko Kopan. 227 puntu lortu ditu eta hirugarren postuan kokatu da sailkapen nagusian.
Ardi Moztaileen Nazioarteko Txapelketa, irailaren 19an, Elizondon
Datorren irailaren 19an, Ardi Moztaileen Nazioarteko Txapelketa antolatu dute Elizondon, eta gaur goizean egin dute aurkezpena. Euskal Herriko moztaileak ez ezik, beste hainbat herrialdeetatik ere etorriko dira lehian parte hartzera.
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.