Kerman Lejarragak tituluari eutsi dio, Gavinek behar baino gehiago pisatu baitu
Kerman Lejarraga boxeolari bizkaitarrak welter pisuko Europako tituluari eutsi dio larunbatean jokatzekoa den borrokaldia baino lehen; izan ere, Frankie Gavin hautagaiak behar adina baino gehiago pisatu du ostiral honetan Bilboko Itsas Museoan egin den pisatze ekitaldian.
Aitzitik, larunbateko hitzorduak garrantzia izaten jarraitzen du Lejarragarentzat, 26 borrokalditan jardun eta gero oraindik ez baitu bat bera ere galdu (horietako 21 KOz irabazi ditu); horrez gain, epe laburrera Munduko Txapela jokatzeko aukera ere izan dezake jokoan. Hori horrela izan dadin, BECen izango den norgehiagokan garaipena lortzeak besterik ez dio balio.
Hasierako pisaketan, Gavinek 68,700 kiloko pisua eman du, hots, baimendutakoa baino bi kilo gehiago (66,700 kg). Lejarragak, bere aldetik, ez du inolako arazorik izan (66,200 kg).
Frankie Gavin pisatu den unean. Argazkia: EFE
Pisaketan eman duen gehiegizko pisua zuzentze aldera, Gavinek bi orduko tartea izan du sobera zituen bi kilo horiek galtzeko, baina ez du ahaleginik egin bigarren aldiz baskula gainera igotzeko. Horren ondorioz, aurretik hitzemandako diru poltsaren % 30 gal dezake, antolatzaileen gertuko iturriek adierazitakoaren arabera.
Bizkaiko zein Euskadiko Boxeo Federazioak Europakoarekin (EBU) jarri dira harremanetan, eta handik adierazi dietenez, Lejarragari dagokio titulua eustea. Hori bai, borrokaldia aurreikusita zegoen bezala jokatuko da, eta bi boxeolarien palmareserako kontuan hartuko dute. Antolatzaileek 12.000 ikusle bertaratzea espero dute.
Pisatzea egin ostean, eta Gavinek behar bezalako pisua ez zeukala jakin aurretik, Lejarraga haserre agertu da hedabideen aurrean. "Ez dut atsegin, baina ez dago besterik. Barkamena eskatu dit, baina behar den pisua eman izan balu bezala helduko diot borrokaldiari".
Lejarragaren eta Gavinen (26-3, horietako 5 KOz) arteko borrokaldia 12 asaltora lehiatuko da, eta ez da hasiko 23:30 baino lehen. Horren aurretik, boxeoko beste bost borrokaldi izango dira, baita kickboxing txapelketa bat ere. Emanaldia ETB1en izango da ikusgai 21:00etatik aurrera.
Zure interesekoa izan daiteke
Lucas Herbert nagusi, LIV zirkuituko Virginiako txapelketan; Rahmek zortzigarren bukatu du
Barrikako golflariak 69 kolpe eginda amaitu du torneoa.
Nerea Garciak brontzea irabazi du K2ko 500 metroko proban, Szegedeko Munduko Kopan
Bestalde, Begoña Lazcano laugarren izan da K1eko 5.000 metroko finalean.
Angela Vilariño lehiaketara itzuliko da, bularreko minbizia gaindituta
Bost urteko tratamenduaren ondoren, Hondarribiko pilotuak abenduan jaso zuen sendagiria. Gaur jakinarazi du Europako Mendi Txapelketara itzuliko dela. Gainera, Porsche 911 GT3 bat gidatuko du.
Rahmek akordioa sinatu du DP World Tourrekin
Hilabetetako tentsioen ondoren, Barrikako golf jokalariak Europako zirkuituarekin duen gatazka konpondu du, zigorrak ordaintzea eta hainbat txapelketatan parte hartzea adostuta.
Nadia Erostarbe: “Egin dudan lehiaketaz harro nago, baita hirugarren postu honetaz ere”
Surfeko Munduko Zirkuitoko hirugarren postua eskuratu du Nadia Erostabek. Zarauztarra harro dago lortutakoarekin “txapelketa irabaztera” joan zen arren. Orain bederatzigarren doa rankinean eta “hurrengo frogetan hobetzen saiatzea” du helburu.
Nadia Erostarbek hirugarren amaitu du Snapper Rocksen, eta munduko hamar onenen artean sartu da
Stephanie Gilmorek, zortzi aldiz munduko txapeldun izandakoak, Zarauzko surflaria finalerdietan kanporatu zuen, nahiz eta Erostarbek olaturik onena hartu eta 8,50 puntu bildu.
Nadia Erostarbek Bonsoy Gold Coasteko finalerdiak jokatuko ditu
Zarauztarrak Gabriela Bryan hawaiarra gainditu du (15.67-14.33) Australiako probako final-laurdenetan.
Europako bi final jokatuko dira San Mamesen: Bordeaux-Leinster eta Ulster-Montpellier
Errugbiko Europako txapelketa garrantzitsuenetako bi finalak maiatzaren 22an eta 23an jokatuko dira San Mames estadioan.
Alex Zanardi 1 Formulako pilotu ohia, paralinpismoaren mitoa eta erresistentziaren sinboloa hil da
Paraziklista gisa, urrezko lau domina paralinpiko lortu zituen Londres 2012 eta Rio 2016 olinpiar jokoetan. Zanardik arrasto sakona utzi du kirol alorrean izandako lorpenengatik eta, batez ere, bizitzan izandako zailtasunei aurre egiteko erakutsitako indarragatik.
Naroa Arrasate, Europako txapeldunordea: “Pena da urreagatik borrokan lesionatzea, baina zilarrarekin pozik nago"
Naroa Arrasate nafarrak zilarra bereganatu du Europako halterofilia txapelketan, 69 kiloko kategorian. Atarrabiako kirolaria urrea lortzeko lehian sartu zen, baina 131 kilo altxatzen saiatu zenean, ukondoa atera zitzaion. Edonola ere, 23 urteko halterofiloa pozarren dago Europan domina eskuratu eta maila bikaina eman duelako.