Realak porrota jaso du Mallorcaren aurka, eta Europako postuetatik urrundu da (0-2)
Realak 0-2 galdu du Mallorcaren aurka Reale Arena futbol zelaian, 2024-25 denboraldiko EA Sports Ligako hogeita hamaikagarren jardunaldian. Mallorcak Realaren akatsak baliatu ditu Donostian 0-2 irabazteko. Lehen gola 20. minutuan iritsi da, Cyle Larinen erremate bati esker. Bigarrena, berriez, Sergi Darderrek egin du (47), area kanpotik egindako jaurtiketa on batekin, eta Alex Remirok gelditu ez duena.
Norgehiagokako lehen minutuak tanteokoak izan dira bi taldeentzat, baina ekimena Realak eraman du. Talde txuri-urdinak baloiarekin agintzen zuen aurkariaren zelaian, baina Reale Arenako markagailuan nagusitu gabe. 12. minutuan, Oyarzabalek Realaren lehen gola egin du, eta baliorik gabe geratu da, jokoz kanpo zegoelako.
Behin lehen zatiaren erdialdea igarota, bisitariak markagailuan aurretik jarri dira. Barrenetxeak egindako huts baten ondoren, Darderrek baloi bikaina pasa dio Larini, eta azken horrek Remiroren ate barrura bidali du baloia (0-1).
Hurrengo jokaldian, Pablo Marinek izan du gol aukera. Etxeko erdilariak zartakoa eman dio baloiari, baina Greifek eskua atera du Realeko jokalariaren gola saihezteko. BerriRo saiatu da talde gipuzkoarra Kubok area kanpotik egindako jaurtiketa batekin, baina baloia gora joan zaio.
Lehiak oso irekita jarraitu du Reale Arenan, baina Realak ez du asmatu, eta atsedenaldira norgehiagoka galduta joan da.
Bigarren zatia hasi eta berehala, Darderrek bigarren gola egin du Mallorcarentzat. Darderrek baloia jaurti du, baina gola Remiroren akatsagatik izan da neurri handi batean, baloia ihes egin baitzaio (0-2) .
Epikaren bila, etxeko taldea azkar erantzuten saiatu da Sergio Gomez sartu berriarekin, ezker hegaletik. Izan ere, baloia area txikira erdiratzeko gai izan da, baina errematatzailerik aurkitu gabe.
Era berean, Jon Martinek korner batean, buruz, aldea murriztear egon da, baina Griefek eskua atera du gola saiheztuz.
Realak ez du partidari buelta emateko gaitasunik izan, eta talde gipuzkoarra bederatzigarren postura jaitsi da, hasieratik zituen 41 puntuekin. Horrela, LaLiga EA Sportsen Europako postuetatik urrundu egin da talde txuri-urdina, Balearretako taldeak sailkapenean gainditu baitu.
Fitxa teknikoa:
,0 - Reala: Remiro; Aramburu, Jon Martin, Aritz, Aihen; Zubimendi, Marin (Olasagasti, 72. min), Sucic (Oskarsson, 56. min); Kubo (Mariezkurrena, 72. min), Oyarzabal eta Barrenetxea (Sergio Gomez, 46. min).
2 - RCD Mallorca: Greif; Maffeo, Valjent, Raillo, Copete, Mojica (Lato, 85. min); Samu Costa, Darder; Antonio Sanchez (Morey, 85. min), Laryn (Abdon, 79. min), Dani Rodriguez (Mascarell, 72. min).
Golak: 0-1, 20. min: Larin; 0-2, 47. min: Darder.
Epailea: Jose Luis Munuera Montero. Txartel horia atera die Realeko Oyarzabal (73), Zubimendi (90) eta Aritz (90+2) jokalariei; eta Maffeo (90+5) Mallorcako jokalariari.
Zure interesekoa izan daiteke
Realak Madril CFF garaitu du, eta eskura dauka Txapeldunen Liga (2-0)
Realak 2-0 irabazi dio Madril CFF talde gogorrari Zubietan, eta datorren denboraldian Txapeldunen Ligan jokatzeko aukera ematen duen hirugarren postuan egonkortu da. Lavogezek eta Ceciliak sartu dituzte golak.
Realak garaipenari ihes egiten utzi dio erotzeko norgehiagokan Vallecasen (3-3)
Pellegrino Matarazzoren taldea 1-3 irabazten ari zen 75. minutuan, baina Rayok partida berdintzea lortu du luzapenean. Neurketaren azken txanpan denetarik gertatu da, eta polemika piztu da epailearen erabakiengatik.
Pablo Marin: “Amorru handia ematen du azken minutuetan puntuek ihes egiteak”
Pablo Marin Realeko jokalariaren adierazpenak, Rayo Vallecanoren aurka 3-3 berdindu ostean, EA Sports Ligako 32. jardunaldiko partidan. (Adierazpenak gaztelaniaz)
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Matarazzo: “Sendo amaitu nahi dugu denboraldia"
Pelegrinno Matarazzok adierazi du "oso garrantzitsua" dela denboraldia "ahalik eta hobeto" bukatzea, "hurrengoa ondo hasteko". Horrela, bada, Reala larunbat honetan Rayo garaitzen saiatuko dela ziurtatu du.
Azpeitiak omenaldia egin die Unai Marrerori eta Oier Agirrezabalagari
Azpeitiarrek omenaldia egin diete Unai Marrerori eta Oier Agirrezabalagari, Realeko atezainari eta prestatzaile fisikoari. Herriak bere esker ona agertu die biei eta “herria horrela ikustea oso hunkigarria” izan dela adierazi du atezainak.
Realak Anoetan ospatu du Errege Kopako titulua, Ligan Getaferen aurka jokatu aurretik
EA Sports Ligako 33. jardunaldian, asteazkenean, Realak Getaferen aurka jokatu du, Anoetan; Getafeko futbolariek ohorezko pasilloa egin diete euskal taldeko jokalariei, eta txuri-urdinek zale guztiei eskaini diete Atletico Madrilen aurkako finalean irabazitako Errege Kopa.
Iglesiasek Oyarzabalen aurka egin du partida amaieran: “Ahoa eskuarekin estali du nire emaztearen kontrako hitzak esateko"
"Kapitainak, gero eredu izan nahi duenak, eskua ahoan jarri du nire emaztearen aurkako hitzak esateko. Horiek dira hemen dituzten balioak. Eskua ahoan jarri du koldar hutsa delako", esan du Getaferen atzelariak.
Jon Gorrotxategi: “Lehenengo zatian bota dugu partida”
Realak 0-1 galdu du Getaferen aurka, Errege Kopa irabazi eta ondorengo partida. Partidaren ostean Jon Gorrotxategirekin egon gara eta bere ustez lehen zatian bota dute partida, baina aurkarien jokatzeko erak ez du horri buelta ematen lagundu.
Realak Kopako ajea ordaindu eta Getaferen kontra galdu du Anoetan (0-1)
Talde madrildarra nagusitu da Anoetan, Gorrotxategik bere atean sartutako golari esker. Lehen zatian Brais Mendezek huts egin du penaltian, eta ez du baliatu txuri-urdinak markagailuan aurretik jartzeko aukera.