Realak 148 milioi euroko aurrekontua onartu du 24-25 denboraldirako, Anoetaren handitzea aurreikusteaz gain
Realak Jokin Aperribay presidenteak aurkeztutako aurrekontuak onartu zituen asteartean egindako Akziodunen Batzarrean, Kursaal Jauregian. Hala, batetik, klubak ontzat eman zuen denboraldi honetarako aurrekontua; bestetik, sasoia 1.505.050 euroko mozkinekin amaitzea aurreikusi zuen Aperribayk, bankuekin zorrik izan gabe.
Bileran garatutako proposamen guztiek ia erabateko baiezkoarekin egin zuten aurrera, eta "oso positiboki" baloratu zuen hori presidenteak. Era berean, klubaren egungo masa sozialaren neurria nabarmendu zuen: 37.936 bazkide eta 5.815 pertsona itxaron-zerrendan.
Hori kontuan izanik, Anoeta estadioa handitzeko asmoa erakutsi zuten atzo, 2.000 eserleku gehiago jarrita, 42.247 pertsona sartu ahal izateko.
Azpiegituren hazkundeak ere badu eragina Zubietan; izan ere, 2021az gero, 35 milioi euro inbertitu ditu klubak. Besteak beste, Jose Luis Orbegozo zelaiko lanak egiten ari dira, gizonezkoen lehen taldearentzat. Horrez gain, emakumezkoen taldearentzat eraiki berrian ere lanean ari dira. Baliteke urte amaierarako bukatuta egotea.
Presidente txuri-urdinak segurtasunaren gaiari ere heldu zion bilkuran, eta erabateko "lehentasuna" duela zehaztu. Zaleek estadio kanpoaldeko segurtasunaren inguruan helarazitako kexei buruz ere mintzatu zen, eta "Realak eremu horretan gertatzen denaren inguruan inolako ahalmenik" ez duela berretsi.
Gai horri lotuta, taldeari egiten zaizkion harrerak aipatu zituen: "taldea oso pozik dago harrerekin; hortaz, neurketa garrantzitsuetan bultzatu behar ditugu. Dena den, Amarako bizilagunentzat zalaparta handiegia denez, estadiora egiten den sarbidea moldatzen saiatuko gara".
Azkenik, Imanol Alguacil entrenatzailearen berritzeaz (2025eko ekainean bukatuko du kontratua) galdetuta, elkarrizketak bide onetik doazela esan zuen, akordioa lortuko dela ziur agertzeaz gain. "Imanol ideiak oso garbi dituen entrenatzailea da, eta emaitza paregabeak lortzen ari da, baita jokalari garrantzitsuak joan direnean ere, eta nahi dugun postuetan egoten jarraitzen dugu", gaineratu zuen.
Zure interesekoa izan daiteke
Nerea Eizagirre: "Beti esan dugun bezala, eguneroko lan horretan dago gakoa"
Realak 3-0 irabazi du Zubietan jokatutako euskal derbian. Partidaren ostean, Eizagirre pozarren agertu da, eta orain arte egindako lan ona azpimarratu du.
Realak 3-0 irabazi dio Eibarri Zubietan jokatutako euskal derbia
Txuri-urdinak nagusitu dira armaginen aurkako F Ligako 17. jardunaldiko partidan. Intza Egigurenek lehena egin eta gero, bigarren zatian Eibarrek bere atean sartu ditu hurrengo bi golak.
Sanse galtzaile atera da Leganesen aurkako partidan (2-0)
Fragak penalti bat gelditu du, baina Donostiako taldeak ezer gutxi egin ahal izan du Madrilgoaren nagusitasunaren aurrean.
Matarazzo: "Partidu hauetan egin duguna errendimendua da, ez zortea"
Realeko entrenatzaileak Celtaren aurka jokatuko duten partidaz hitz egin du, EA Sports Ligako 21. jardunaldian. Bestalde, Gotiren irteeraz ere mintzatu da.
Beñat Turrientes: “Oso pozik nago, dena ondo ari zait ateratzen”
Rino Matarazzok talde txuri-urdina hartu zuenetik, Realeko erdilaria jokalari onenetakoa ari da izaten. EITB beasaindarrarekin izan da.
Nahia Aparicio: "Eibarren aurkako partidak beti dira zailak"
Realak eta Eibarrek derbia jokatuko dute igande honetan, urtarrilak 25, F Ligako 17. jardunaldian. Nahia Apariciok neurketa nola ikusten duen azaldu du elkarrizketa honetan.
Kubok lesioa du ezker hankako iskiotibialean
Jokalari japoniarra astelehen honetan ebaluatu dute klubeko zerbitzu medikuek.
Aramburu: "Asko sufritutako garaipena izan da"
Realeko jokalariak Bartzelonaren aurkako garaipenari buruz hitz egin du (2-1) Anoetan, EA Sports Ligako 20. jardunaldian.
Anoetako "danborradak" Bartzelona garaitu du (2-1)
Intentsitate handiko partida izan da, eta txuri-urdinek Oyarzabalen eta Guedesen golei esker lortu dute garaipena.
Realak indarrean segitzen du, Sevilla etxetik kanpo garaituta (0-2)
Realak 0-2 irabazi dio Sevillari, eta, horrenbestez, bikain eusten ari zaio F Moeve Ligako hirugarren postuari. Claire Lavogezek eta Nerea Eizagirrek sartu dituzte txuri-urdinen golak.