Realak bederatzigarren garaipena jarraian bereganatu du Rayo Vallecano mendean hartuta (0-2)
Realak garaipena bereganatu du Rayo Vallecanoren aurka (0-2) larunbat honetan (urtarrilak 21) Vallecasen (Madrilen) jokatu duen Santander Ligako 18. jardunaldiko partidan, eta bederatzigarren neurketa jarraian irabazi du Liga eta Kopa kontuan hartuta.
Bolada bikain horren ondorioz, txuri-urdinak sailkapeneko hirugarren postuan daude 38 punturekin, bigarren den Real Madrilekin berdinduta, eta Bartzelona liderrarekiko hiru puntura. Hori bai, Real Marilek eta Barçak Donostiako taldeak baino bi norgehiagoka gutxiago jokatu dituzte.
Rayo Vallecanok hobeto ekin dio neurketari, baloiaren jabe izan baita lehen minutuetan; hala ere, Madrilgo taldeak ez du abagune argirik sortu. Realak hamar minutu behar izan ditu partidaren erritmoa hartzeko, eta lehen abagunean ez du barkatu: Silvak baloia lapurtu du zelai erdian, pasea eman dio Sorlothi, eta norvegiarrak gola sartu du (0-1) erremate onarekin Stole Dimitrievski atezaina gaindituta.
Golaren ostean nagusi izan da talde txuri-urdina, eta Rayo ezinean ibili da. Atsedenaldira iritsi aurretik Barrenetxeak 0-2koa jarri du markagailuan; korner batean Aritz Elustondok baloia jo, eta Barrenetxeak ate barrura bidali du.
Bigarren zatiaren hasieran ere erasokor zelairatu da Rayo Vallecano. Atsedenaltik bueltan bi minutu behar izan ditu Rayok estreinako abagunea sartzeko, baina Remiro atezainak saihestu du etxeko taldearen gola, Santi Comensañaren erremateari erantzun bikaina emanda. Ondoren, gola sartzeko beste aukera argi bat izan du Rayok; Alvaro Garciaren errematea, ordea, Illarramendik desbideratu du.
Norgehiagokako 65. minutuan Imanol Alguacil Realeko entrenatzaileak Olasagasti zelairatu du Brais Mendezen ordez, eta harrobiko jokalariak maila ona eskaini du bere debutean.
Azken txanpan, Pablo Marinek izan du Realaren garaipena biribiltzeko aukera, baina Dimitrievski atezainak gelditu egin du jokalari txuri-urdinaren jaurtiketa ona. Rayok ez dio min egin Donostiako taldeari amaierako minutuetan, eta Realak bolada onari eutsi dio.
Fitxa teknikoa:
0 - Rayo Vallecano: Dimitrievski; Balliu (Salvi, 82. min), Lejeune, Catena, Fran Garcia; Pathe Ciss, Unai Lopez (Comesaña, 46. min); Isi (Falcao, 6. min7), Trejo (Nteka, 67. min), Álvaro; eta Camello (Andres Martin, 82. min).
2 - Reala: Remiro; Elustondo, Zubeldia, Le Normand, Rico; Illarra, Brais Mendez (Olasagasti, 65. min), Pablo Marin (Carlos Fernandez, 81. min), Silva (Ander Martin, 65. min); Sorloth (Oyarzabal, 65. min) eta Barrenetxea (Robert Navarro, 69. min).
Golak: 0-1: 14. min, Sorloth; 0-2: 36. min, Barrenetxea.
Epailea: Mateu Lahoz.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.