Reala, Europa Ligako bigarren garaipenaren bila Omonoiaren aurka etxean jokatuko duen partidan
Realak Omonoia izango du aurkari ostegun honetan (irailak 15) Reale Arenan, 18:45ean, Europa Ligako multzoen faseko bigarren jardunaldian. Talde txuri-urdinak hiru puntu ditu eta E multzoko bigarren postuan da Sheriff liderrarekin berdinduta.
Lehen jardunaldian Manchester Uniteden aurka garaipena lortu zuen Realak Old Trafforden neurketa ona jokatuta, baina igandean Getaferen aurka galdu egin zuen Santander Ligako bosgarren jardunaldian. Azken porrotak zalantzak eragin ditu.
Azken aldian min hartuta egon den Diego Rico prest dago norgehiagoka honetarako eta hasierako hamaikakoan egoteko aukerak ditu. Solak edo Gorosabelek jokatuko dute defentsako beste hegalean. Zelai erdian Illarramendi, Guevara edo Turrientes jokalariek izan dezakete aukera. Lesionatuta dagoen Sadiqen hutsunea Chok beteko dute eta aurrealdeko bikotea osatuko du Sorlothekin.
Omonoiak ez dio ondo ekin Zipreko ligari, lehen hiru jardunaldietan garaipena bakarra lortu baitu. Europa Ligako lehen jardunaldian porrota jaso zuen Sheriffen aurka, 0 eta 3.
Imanol Alguacil Realeko entrenatzaileak esan du Omonoia talde landua dela eta jokalari bat bereziki besteen gainetik ez dagoen arren, talde moduan ondo funtzionatzen duela.
Ustezko hamaikakoak:
Reala: Remiro; Gorosabel, Aritz, Pacheco, Diego Rico; Illarramendi, Merino, Guevara, Brais; Sorloth eta Cho.
Omonoia: Fabiano; Matthews, Miletic, Lang, Panagiotou, Lecjaks; Diskerud, Charalamp, Cassama, Yuste; eta Bruno.
Epailea: Kristo Tohver (Estonia).
Estadioa: Reale Arena.
Eguna: Irailak 15.
Ordua: 18:45ean.
Zure interesekoa izan daiteke
Jon Ansotegi: "Kosta egin zaigu baina pozik nago, garaipena heldu delako"
Eldense mendean hartuta, Errege Kopan aurrera egitea lortu du Realak. Jon Ansotegik partidaren analisia egin du prentsaurrekoan.
Realak sufritu egin du Eldan, baina Pablo Marinek azken hasperenean sartutako golari esker sailkatu da (1-2)
Sucicek aurretik jarri du talde txuri-urdina bigarren zatian, baina jarraian berdindu egin du Eldensek. Partida luzapenera bideratuta zegoela zirudienean, partidako jokaldirik onenean, Ansotegiren taldeak saria lortu du.
Sergio Franciscok agur esan dio Realari gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere baldintzarik gabeko babesa" emateagatik. Gainera, futbol profesionalean "erronka berriei" aurre egiteko prest agertu da.
Jon Ansotegi: "Lehen helburua biharko partida irabaztea da"
Jon Ansotegi gogotsu agertu da Realeko lehen taldeko entrenatzaile gisa duen erronkarekin. Lehen erronka bihar, asteartez, Eldenseren kontrako Errege Kopako partida irabaztea dela esan du.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Realak Sergio Francisco kargutik kendu du, eta, behin-behinean, Ansotegik ordezkatuko du
Irungo entrenatzailearen agindupean, Realak 4 garaipen, 4 berdinketa eta 8 porrot izan ditu, eta sailkapeneko 15. postuan dago, 16 punturekin, jaitsieratik puntu batera.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.
Igor Zubeldia: "Taldea lotsagarri egon da"
Realak 1-2 galdu du Gironaren aurka ostiral honetan Anoetan jokatu den EA Sports Ligako 16. jardunaldiko partidan. Partidaren amaieran, Igor Zubeldia kritiko azaldu da, gogoeta egitea, erantzukizuna hartzea eta aurrera egitea tokatzen dela esan du.
Tsygankovek Realaren lehen zati ona baliogabetu du (1-2)
Ukrainako futbolariaren bi golek Guedesen gola eta txuri-urdinen lehen zati ona zapuztu dituzte.
Sergio Francisco: "Beharra sentitzen dut taldea lehen minututik joateko partidaren bila"
Realak Girona hartuko du, Anoetan, ostiralean, 21:00etan, EA Sports Ligako hamaseigarren jardunaldian. Aurreko egunean, Sergio Francisco talde txuri-urdineko entrenatzaileak neurketaren gainean zer espero duen izan du hizpide.