2 eta 1 galdu du Realak Getaferen aurka
Realak 2 eta 1 galdu du Getaferen aurka. Hasieratik indartsu atera dira madrildarrak eta txuri-urdinek ezin izan diete aurre egin. Enes Unalek lehen zatiko luzapenean egindako gol ikusgarri batek eta atsedenalditik bueltan Aleñak lortutakoak ezerezean utzi ditu Alguacilen gizonen saiakera guztiak, nahiz eta Braisek goiz egin duen bi eta batekoa.
Urdinen lehen aukera garbia 10. minutuan izan da, donostiarrek gola ekidin dute, baina epaileak, VARaren laguntzarekin, penaltia adierazi du. Hala ere, Remiro atepean handi egin eta jaurtiketa gelditu du. Bazirudien Realak une horretan indarrak bildu eta egoerari buelta ematen saiatu dela eta 19. minutuan Alex Solak ezkerrarekin jaurtiketa on bat egin du, baina kanpora joan da.
35. minutuan heldu da Realarentzako albiste txarrena. Umar Sadiq, aurrelari fitxatu berriak, gaizki zapaldu eta belaunean min hartu du. Lesioak ez zuen itxura onik eta Momo Chok ordezkatu du nigeriarra.
Reala markagailuan aurreratzen saiatu da eta lehen zatiko 47. minutuan Sorloth berriro ahalegindu da gola egiten, norvegiarrak ez du saririk jaso. Bai ordea Getafek. Bi minutu beranduago, luzapeneko azken minutuan, Enes Unalek faltaz aurreratu ditu urdinak. Jaurtiketa indartsu eta neurtu bat egin du turkiarrak Remiroren atera eta sekulako gola egin du.
Atsedenaldiaren ostean, berehala egin du bigarrena Aleñak (47. minutuan). Hala ere, Realak ez du berehala aldea laburtzeko aukera galdu eta 49. minutuan, Momo Chok areara egindako erdiraketa neurtu bat, bikain errematatu du Brais Mendezek, Realaren lehenengo gola eta bakarra eginez.
Reala saiatu da berdinketaren gola egiten, Merinok minutu gutxian (57. eta 58. minutuetan) izan dituen bi aukera kasu (bata buruz, bestea area kanpotik egindako jaurtiketa batean). Baina Ez diote David Soriari lan gehiegi eman.
72. minutuan Getafek beste susto bat eman du. Izan ere zutoinean jo du madrildarrek egindako jaurtiketa batek.
Realak berdinketa egiteko izan duen aukera garbiena 86. minutuan heldu da. Korner batean Merinok bikain errematatu du baina Soriak geldiketa on bat egin eta baloiak langan jo du.
Txuri-urdinek ezin izan diote bolada onari eutsi eta esku-hutsik itzuliko dira Donostiara. Ostegunean Europa Ligako partida jokatuko dute Omonia Nikosiaren aurka, Reale Arenan.
Fitxa Teknikoa:
2 - Getafe: David Soria; Damián, Gastón, Duarte, Mitrovic, Angileri (Juan Iglesias, 52. minutuan); Maksimovic, Algobia (Seoane, 60. minutuan), Aleñá (Portu, 70. minutan); Enes Unal eta Borja Mayoral (Munir, 70. minutuan).
1 - Real Sociedad: Remiro; Sola (Gorosabel, 70. minutuan), Zubeldia, Pacheco, Ahien; Zubimendi, Mikel Merino, Turrientes (Silva, 46. minutuan), Take Kubo (Brais Méndez, 46. minutuan); Sadiq (Cho, 38. minutuan) eta Sorloth (Karrikaburu, 82. minutuan).
Golak: 1-0: 45. minutuan Enes Unal; 2-0: 48. minutuan Aleñá; 2-1: 50. minutuan Brais Méndez.
Epailea: Juan Luis Pulido Santana. Txartel horia erakutsi die Getafeko Aleñári (41. minutuan), Iglesiasi (56. minutuan), Damiáni (86. minutuan) eta Duarteri (90. minutuan) del Getafe; eta Realeko Gorosabeli (74. minutuan).
Zure interesekoa izan daiteke
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.
Mikel Goti Real Oviedora, utzita
Erdilaria Realetik utzita helduko da Asturiaseko taldera, 2026-27 denboraldiaren amaierara arte.