Garaipen argia lortu du Realak Villamarinen eta lider jarri da (0-3)

Portuk, Oyarzabalek (penaltiz) eta Januzajek sartutako golek sailkapenaren buru jarri dute talde txuri-urdina.

Iragarkia

18:00 - 20:00

Betis – Real Sociedad partidako laburpena eta gol guztiak

AGENTZIAK | ERREDAKZIOA

2020/10/19 - 00:39

Azken eguneratzea

2020/10/19 - 00:39

Realak 0-3 irabazi dio Betisi Villamarinen, eta Santander Ligako sailkapeneko lehen postua eskuratu du, 6. jardunaldiaren ondoren. Talde donostiarrak 11 puntu ditu, Vila-realek bezainbeste, baina aldeko eta kontrako golen arteko diferentzia nabarmen dago donostiarren alde.

Gipuzkoako taldeak atsedenaldia heldu baino lehen egin du lehen gola, Portuk ezin hobeto errematatuta Oyarzabalen erdiraketa bikaina. Realak lehen zatian abagune gutxi sortu arren, nahikoa izan da aurretik jartzeko.

Manuel Pellegriniren mutilek hobera egin dute bigarren zatia hastearekin batera, eta Sanabriak gola egin du, baina jokoz kanpo zegoen. Gero, Estrada Fernandez epaileak ez du etxekoen aldeko penalti bat adierazi, nahiz eta VAR sistema kontsultatu duen jokaldia berrikusteko.

Ondoren, garbiagoa iritzi dio Bartrak Isaki egindakoa. Oyarzabalek ez du barkatu, eta neurketa erabakita utzi du. Hirugarren gola aulkitik atera den Januzajek erdietsi du.

Fitxa teknikoa:

0 - Real Betis: Claudio Bravo; Aitor Ruibal, Sidnei, Bartra, Álex Moreno (Miranda, min. 75); Guido Rodríguez, Canales (William Carvalho, 58. min) ; Joaquín (Loren, 58. min), Fekir, Tello (Lainez, 75. min); eta Borja Iglesias (Sanabria, 46. min).

3 - Real Sociedad: Remiro; Gorosabel, Aritz Elustondo, Le Normand, Monreal; Guevara (Zubimendi, 65. min), Merino, Silva (Roberto López, 84. min); Oyarzabal (Januzaj, 84. min), Portu eta Willian José (Isak, 69. min).

Golak: 0-1, 43. min: Portu. 0-2, 74. min: Oyarzabal, penaltiz. 0-3, 88. min: Januzaj.

Epailea: Xavier Estrada Fernández. Txartel horiak: Sidnei (53. min) eta Bartra (72. min).

Zure interesekoa izan daiteke

Turrientes: “Derbietan ez dago faboritorik; bolada onean gaude eta hiru puntuen bila joango gara”

Maren Lezeta: “Hasieran, kosta egin zaigu apur bat, baina, azkenean, lortu egin dugu, eta pozik”

Realak eman du lehen kolpea Fenerbahçeren aurkako kanporaketan, Zubietan, Lezetaren eta Marinen golei esker (2-0)

Realaren eta Fenerbahçeren arteko joaneko partidako golak (2-0)

ZUZENEAN, 19:00etatik aurrera: Reala vs. Fenerbahçe (Europa Kopa)

SAN SEBASTIÁN (ESPAÑA), 28/10/2026.- El central de la Real Sociedad, Jon Martin, comparece este miércoles ante la prensa en la semana del derbi contra el Athletic. EFE/Juan Herrero

Jon Martin: “Derbiak desberdinak dira, emozioa eta sentimendua dago, beraz, denarekin goaz”

Ainhoa Martin eta Nerea Eizagirre (Reala)

Realak abantaila lortu du nahi du Fenerbahçeren aurka, Europa Kopan

Quiñones: “Fenerbahçek jokalari garrantzitsuak ditu, baina Reala gainetik ikusten dut”

Gorka Alvarez: “Jokoan eta erritmoan jarraikortasuna lortzea izango da gakoa”