Realak David Silva fitxatu du bi denboraldirako
Realak David Silva kanariarra fitxatu du hurrengo bi denboraldietarako, Donostiako klubak bart gauean ezagutzera eman zuenez. Manchester Cityn hamar urteko ibilbide oparoa egin ostean, Silva atzo bertan agurtu zen bere talde ohiko zaleengandik.
Realaren fitxaketa berriak 21 zenbakia eramango du bizkarrean, hau da, Manchester Cityn jantzi duen bera eta Martin Odegaard norvegiar gazteak joan zen denboraldian erabili ondoren libre utzi behar izan duena.
Jokalaria Arguineguinen (Kanaria Handia) jaio zen 1986an (34 urte), eta libre iritsiko da Donostiara Manchester Cityrekin zuen kontratua amaitu ostean. Ingalaterrako taldean hamar urtez aritu da, 435 partida jokatu, 77 gol sartu eta 138 goleko pase emanda.
Munduko txapelduna eta Europako txapeldun bikoitza izan da Espainiarekin, eta duen futbolaz gain, eskarmentu handia emango dio Realari, eta horrek talde txuri-urdin gaztea indartuko du.
Silva oporretan dago une honetan, baina datozen egunetan Imanol Alguacilek zuzentzen duen taldearen denboraldi-aurrearekin bat egingo du.
Jokalariak dagoeneko ezagutzen du Gipuzkoa; izan ere, 2004-2005 denboraldian Eibarren jokatu zuen, Valentziak utzita. Valentziako taldeak 14 urterekin fitxatu zuen eta 2010era arte aritu zen bertan. Hori bai, aurretik, 2005-2006 denboraldian, utzita jokatu zuen berriro, orduko hartan Lehen Mailan zegoen Celtan.
2010ean Manchester Cityk fitxatu zuen, eta azken hamar denboraldietan bertan egon da, aurtengo denboraldia amaitu arte.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.