Realak bigarren berdinketa jarraian erdietsi du
Realak golik gabe berdindu du Levanteren aurka (0-0) Zubietan jokatu duen Primera Iberdrola Ligako bigarren jardunaldiko partida. Txuri-urdinek bi berdinketa erdietsi dituzte lehen bi jardunaldietan, eta ez dute garaipenik lortu oraindik.
Lehen hamar minutuak parekatuak izan dira, baina, ondoren Levante izan da baloiaren jabe. Zelai erdian nagusi izan da talde bisitaria, eta abaguneak sortu ditu Estherren eta Alba Redondoren bitartez. Estherrek beste aukera on bat izan du atsedenaldira iritsi orduko, baina ez du Realaren ate aurrean asmatu.
Bigarren zatiaren hasiera parekatua izan da, baina Levantek oso gertu izan du gola, Baninik zutoinera bidali duen errematearekin. Neurketa joan-etorrikoa izan da azken txanpan. Levantek penaltia eskatu du 82. minutuan, baina epaileak ez du ezer adierazi, eta Realak aukera izan du azken unean, Levanteko atezainak irrist egin ostean; hala ere, abagunea ezerezean geratu da.
Fitxa teknikoa:
0 - Reala: Nanclares, Iraia, Mendoza, Lucía, Maddi, Baños (Etxezarreta, 89. min), Itxaso, Cardona (Bautista, 82. min), Palacios (Eizaguirre, 75. min), Barbara (Manu, 88. min) eta Nahikari.
0 - Levante: Paraluta, Corredera, Rocío Galvez, Ivana, Ona Batlle (Jucinara, 78. min), Gemma (Eva Navarro, 63. min), Maitane, Zornoza, Banini, Alba Redondo (Sonia, 75. min) eta Esther (Andonova, 63. min).
Epailea: Pelaez Arnillas. Txartel horiak atera dizkie Marta Corredera eta Sonia Levanteko jokalariei.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.