Realak Odegaard fitxatu nahi du
Realak interesa du Martin Odegaardek datorren denboraldian talde txuri-urdinean joka dezan. Real Madrileko jokalariak utzita jokatu du aurten Herbehereetako Vitesse taldean, eta maila ona eskaini du.
Jokalari norvegiarra Donostian izan da, eta Zubietako istalazioak ezagutu ditu, Bjorn Kvarme Realeko jokalari ohiarekin batera, 'El Partidazo de Cope' saioak aurreratu bezala. Gainera, Kvarmek harreman ona du Roberto Olabe kirol-zuzendariarekin, eta Odegaarden etorkizunari buruz hitz egin dute.
Hala ere, Reala ez da Odegaard fitxatu nahi duen talde bakarra. Bayer Leverkusenek ere jokalari norvegiarra nahi du, eta talde alemaniarrak Txapeldunen Liga jokatuko duela dauka alde.
Odagaarden ibilbidea
Martin Odegaardek Strømsgodset Idrettsforening taldearen harrobian ekin zion futbolean jokatzeari, eta lehen taldera igo zen 13 urte zituela; 2015eko neguko merkatuan fitxatu zuen Real Madrilek, eta Castillan jokatzen hasi zen. Denboraldi horretan egin zuen debuta Real Madrilekin, Getaferen aurkako Ligako partida baten, eta klubaren historian debuta egin zuen jokalari gazteena (16 urte eta 157 egun) bihurtu zen.
2017ko urtarrilan Herbehereetako ligako Heerenven taldera joan zen utzita, eta 2018-2019 denboraldian Vitessen (Herbehereak) jokatu zuen; maila ona eskaini zuen eta bederatzi gol sartu zituen.
Zure interesekoa izan daiteke
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.
Realak Atletico mendean hartuta eman dio amaiera denboraldi bikainari (2-0)
Lucia Pardoren eta Cecilia Marcosen golek erabaki dute txapelketako azken jardunaldiko lehia. Emaitza horrekin, talde donostiarrak hiru puntu eskuratu ditu denboraldia bere zaleen aurrean oso sentsazio onekin agurtzeko.
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Realak iragarri du Lucia Rodriguezek, Andreia Jacintok, Emma Ramirezek, Claire Lavogezek eta Lucia Pardok ez dutela taldean jarraituko datorren denboraldian
Europako txapelketetan aritzeko sailkapena lortu ondoren, talde txuri-urdinak bost baja iragarri ditu