Realak ezustekoa eman du Real Madrili irabazita
Realak garaipen handia eskuratu du Real Madrilen aurka (0-2) Santiago Bernabeun. Imanol Alguacilek debut bikaina izan du, hiru puntuak lortuta. Talde txuri-urdinak abagune gutxi sortu ditu, baina izan dituenak baliatu eta Real Madrilen punteria falta aprobetxatu ditu.
Neurketa ezin hobeto hasi da talde txuri-urdinarentzat, Casemirok penalti egin baitio Mikel Merinori, 2. minutuan. Willian Josek egin du jaurtiketa, eta 0-1ekoa jarri du markagailuan. Gola hartu ondoren, Real Madril egin da baloiaren jabe, eta Solarik zuzentzen duen taldea nagusitu da. Hainbat abagune izan ditu Real Madrilek, baina Rullik batzuetan eta punteria faltak besteetan etxeko taldeak golik ez egitea eragin dute. Rulli atezainak ondo gelditu du Modricen jaurtiketa eta buruz burukoan nagusitu egin zaio Lucas Vazquezi, Real Madrilen golak eragotziz.
Bigarren zatiko lehen jokaldian, arriskua sortu du Realak, baina ezin izan du gola sartu. Real Madrilek nagusi izaten eta abaguneak sortzen jarraitu du. Rullik erantzun ona eman dio Viniciusen jaurtiketari, eta Zurutuzak atepetik atera du Ramosen errematea. Zorte puntu bat ere izan du Realak, epaileak Lucas Vazquez egotzi baitu 61. minutuan, bigarren txartel horia atera eta gero. Zalantzazko falta bat egin izana egotzita atera dio bigarren horia epaileak Lucasi. Realak izan duen aukera gutxienetako bat Januzajen bitartez etorri da; belgikarrak jokaldi ona egin du, eta horren jaurtiketa gutxigatik joan da kanpora. Ondoren, epaileak ez du adierazi Rullik Viniciusi egindako penalti argi bat, eta epaileari laguntzeko bideo bidezko sistemak (VAR) ez du jokaldia aztertu.
Partidako azken minutuetan erasora jo du Real Madrilek, eta Reala horretaz baliatu da 83. minutuan, kontraerasoan, bigarren gola sartzeko; Willian Josek erdiraketa ona jarri du arean, eta Ruben Pardok sare barrura bidali du errematea (0-2).
Fitxa teknikoa:
0 - Real Madril: Courtois; Carvajal, Varane, Sergio Ramos, Marcelo (Reguilon, 77. min); Casemiro (Isco, 57. min), Kroos (Ceballos, 80. min), Modric; Lucas Vazquez, Vinicius eta Benzema.
2 - Reala: Rulli; Elustondo (Zaldua, 69. min), Llorente, Hector Moreno, Aihen Muñoz (Zubeldia, 84. min); Illarramendi, Zurutuza, Merino (Ruben Pardo, 73. min), Januzaj; Oyarzabal eta Willian Jose.
Golak: 0-1, 3. min: Willian Jose, penaltiz. 0-2, 83. min: Ruben Pardo.
Epailea: Munuera Montero. Txartel horiak atera dizkie Real Madrileko Marcelo (51. min), Modric (75. min) eta Isco (88. min) jokalariei eta Realeko Willian Jose (36. min) futbolariari. Lucas Vazquez egotzi du, bi txartel horia aterata (41. eta 61. min).
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.