Realeko akziodunek 105 milioiko aurrekontua onartu dute, inoizko handiena
Realeko akziodunek Administrazio Kontseiluan duten konfiantza berretsi dute astearte honetan Donostiako Kursaalen egin den Akziodunen Batzar Orokorrean. Izan ere, eguneko gai-zerrendako lau puntuek botoen % 97ko babesa jaso dute. Batzarrean, 200 bat akziodunek esku hartu dute, eta kapital sozialaren % 35,47 egon da ordezkatuta. Horrela, akziodun txuri-urdinek taldearen inoizko aurrekonturik handiena (105 milioi) onartu dute.
Realak 28 milioi euroko superabitarekin itxi zuen aurreko ekitaldia, 139 milioi euroko diru-sarrerak eta 110 milioi eurotik gorako gastuak izan baitzituen talde donostiarrak.
Horrenbestez, Realak 105 milioi euroko aurrekontua aurkeztu du aurtengo denboraldirako. 61 milioi euro soldatak ordaintzera bideratuko ditu klubak. Jokin Aperribay presidentearen esanetan, diru horrek "talentua erakarri eta berton gera dadila ahalbidetuko du, denok espero ditugun kirol-emaitzak lortzeko xedearekin".
Presidentearen aburuz, bukatutakoan 42.000 ikusle hartzeko ahalmena izango duen Anoeta zelaiaren eraberritzea "unerik egokienean heldu da, mehatxu bihur zitekeen etorkizunari modurik onenean aurre egin ahal izango baitiogu".
Bestalde, kirol-apustuetan jarduten duen enpresaren batek babesten ez duen Lehen Mailako talde bakarra da Reala. Aperribayk aurreratu duenaren arabera, galdeketa egingo dute akziodunek aukera horren gainean duten iritzia jakiteko; hain zuzen, kirol-apustuetan jarduten duen enpresaren batek taldea babestea ondo hartuko luketen galdetuko diete.
Presidenteak "zalantzak" agertu ditu, "gizartean gero eta ardura gehiago" sortzen duen jarduera baten aurrean.
"Jakin badakigu Gipuzkoa modu egokian ordezkatzeko ardura duela Realak, eta, ondorioz, uste dut asko zaindu behar ditugula zer motatako mezuak zabaltzen dizkiogun gure jendarteari", azaldu du presidenteak.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.