Reala, Ligako talderik indartsuena etxetik kanpo
Ligak 12 jardunaldi bete dituenean, Realak lau garaipen eta 13 puntu erdietsi ditu orain arte Anoetatik kanpo, hots, txapeldunorde izan zenetik (2002/2003 denboraldia) bisitari gisa bizi duen boladarik onena da aurtengoa. Emaitza horien ondorioz, donostiarrak Ligako talderik eraginkorrena dira alor horretan.
Asier Garitanok zuzentzen dituen mutilek beste inork baino gol gehiago sartu dituzte etxetik at (12 guztira) eta pilatu dituzten puntuen % 80 Anoetako berdegunea ez den besteren batean bereganatu dituzte.
Haatik, etxeko azterketa gainditu ezinik jarraitzen dute txuri-urdinek, hiru puntu besterik ez baitute lortu euren zaleen aurrean.
Realak honako talde hauen zelaietan irabazi du dagoeneko: Levante (1-3), Athletic (1-3), Huesca (0-1) eta Vila-real (1-2). Horrez gain, bina berdindu zuen Leganesen estadioan.
Etxetik kanpoko gipuzkoarren estatistiketan gehiago sakonduz gero, emaitzak are hobeak direla ikus genezake, bi lagunarteko ere irabazi baitituzte (Alavesen aurka, 0-1; Sochauxeren aurka, 1-2) bisitari lanetan; horrez gain, Celtaren aurkako Kopako partidan berdinketa lortu zuten Balaidosen (1-1).
Horrenbestez, Asier Garitanoren taldearen emaitzak ezin hobeak dira zentzu horretan. Are gehiago, 16 urteko atzera begirakoa egin beharko litzateke aipatu emaitzak baino hobeak direnak aurkitzeko. Denboraldi hartan, 2002/2003an, Raynald Denoueix zen txuri-urdinen entrenatzailea, eta donostiarrak Ligako txapeldun izateko lehian buru-belarri egon ziren murgilduta azken jardunaldira arte; alabaina, Real Madrilen atzetik geratu ziren azkenerako.
Sasoi horretako taldeak lau garaipen eta hiru berdinketa erdietsi zituen Anoetatik kanpo jokatu zituen lehen zazpi partidetan, hau da, 15 puntu bereganatu zituen. Beraz, honako honetan, marka hori gainditzeko gertu egon dira txuri-urdinak.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.