Realak, Willian Joseren laguntzarekin, erreakzionatu egin nahi du Huescan
Realak eta Huescak Ligako bosgarren jardunaldiko lehen norgehiagoka jokatuko dute gaur, iluntzeko 21:00etan, Alcoraz futbol-zelaian.
Donostiarren aldetik, albisterik aipagarriena da Asier Garitano entrenatzaileak Willian Jose deialdian sartu duela.
Brasildarraren parte-hartzeak berebiziko garrantzia dauka, bereziki golen aldetik egiten duen ekarpenarengatik; izan ere, taldeko golegilerik nagusiena izan da azken bi denboraldietan. Hortaz, hiru partida irabazi gabe egon ostean, aurrelari titularra bueltan izatea abiapuntu garrantzitsua izan daiteke txuri-urdinentzat azkenaldiko bolada gorabeheratsua eteteko.
Garitanoren taldeak ez du oraindik bidea aurkitu bere futbola eraginkorra izan dadin; horrez gain, arazo handiak ditu emaitzari eusteko, markagailua alde duenean.
Gipuzkoarrak irabazten hasi dira orain arte jokatutako lau norgehiagoketan; aitzitik, Vila-realen aurka besterik ez dute lortu garaipena, eta azken bi lehiak galdu egin dituzte (Eibarren eta Bartzelonaren aurka).
Horrez gain, zalantza ugari piztu dira Gero Rulli atezain titularraren gainean, Bartzelonaren aurka izandako hutsegiteen harira. Dena den, Garitanok "lasaitasunaren alde" egingo du, argentinarrak titular izaten jarraituko duela iradoki baitu partidaren aurreko prentsaurrekoan.
Realak 19 gizon sartu ditu deialdian, horien artean bigarren taldeko Le Normand erdiko atzelaria, Raul Navasek edozein unetan utzi baitezake taldearen egonaldia, aita izateko zorian baitago.
Bere aldetik, Huescak zenbait aldaketa egingo ditu hasierako hamaikakoan, Alcorazen Lehen Mailan lehendabiziko garaipena lortzeko asmoz (aurreko saiakeran galdu egin zuen Rayo Vallecanoren aurka, 0-1).
Leo Francoren gizonek ahaztu egin nahi dituzte Bartzelonaren eta Rayoren kontra izandako porrotak, eta denboraldi hasieran izandako emaitza onen bidera itzuli nahi dute.
Itxura guztien arabera, entrenatzaile argentinarrak zelai erdia sendotuko du defentsako jokoa indartzeko, gol ugari ari baita jasotzen.
Balizko hamaikakoak:
Huesca: Werner; Miramon, Pulido, Semedo, Luisinho; Musto, Aguilera; Gallar, Melero, Ferreiro; eta "Cucho" Hernandez.
Reala: Rulli; Zaldua, Aritz, Moreno, Theo; Illarramendi, Zubeldia, Zurutuza; Oyarzabal, Juanmi eta Willian Jose edo Jon Bautista.
Epailea: Iglesias Villanueva
Futbol-zelaia: El Alcoraz
Ordua: 21:00
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.