Xabi Prietok erretiroa hartuko du denboraldi amaieran

Realak astearte honetan jakinarazi du, kapitainak futbola uztea erabaki duela. Asteazken arratsaldean emango du prentsaurrekoa Anoetan.

EITB

2018/04/10 - 19:48

Azken eguneratzea

2018/04/10 - 20:03

Realak astearte honetan jakitera eman duenez, Xabi Prietok "bere ibilbide eredugarriari" bukaera eman eta erretiroa hartuko du denboraldi amaieran, hala eman baitio jakitera klubari en kapitainak.

Talde txuri-urdinarekin neurketa gehien jokatu dituen bosgarren jokalaria da Prieto, eta, klubak azpimarratu duenaren arabera, "zelai barruan nola kanpoan erakutsi duen klasea familia txuri-urdinaren memorian betiko gogoan geratuko da".

Joan zen denboraldian Prietok dagoeneko azaldu zuen futbola uzteko asmoa, baina bere errendimendu altuak eta sasoiko egoteak bere kontratua denboraldi bat gehiagoz luzatzea erabaki zuen.

Xabi Prietok (Donostia, 1983) 2003an egin zuen debuta Realarekin Oviedoren aurka, Errege Kopako partida batean. Denboraldi horretan Ligako azken norgehiagokan parte hartu zuen Bernabeun, Real Madrilen kontra. Neurketa horretan bi gol sartu zituen, horietako bat Panenka eran jaurtitako penalti baten bidez.

Ordutik hona, 530 lehia jokatu ditu Realaren elastikoarekin 15 denboralditan zehar, horietako hiru Bigarren Mailan.

Prentsaurrekoa, asteazkenean

Xabi Prietok prentsaurrekoa eskainiko du asteazken arratsaldean Anoetan.

Zure interesekoa izan daiteke

Matarazzo: “Ez nago sailkapenari begira"

Jon Aramburu of Real Sociedad competes for the ball with Robert Navarro of Athletic Club during the LaLiga EA Sports match between Athletic Club and Real Sociedad at San Mames on February 1, 2026, in Bilbao, Spain.

Aramburuk min hartu du soleoan eta Reala eskuin hegalik gabe utzi du

Calos-Soler-entrevista-Zubieta-Real-Sociedad-Radio-Euskadi

Carlos Soler: “Oyarzabal funtsezko jokalaria da, gure taldeko izarra, kapitaina, gidaria"

Jon Martin Vicente of Real Sociedad in action during the UEFA Europa League 2026/27 League Phase MD1 match between Real Sociedad and AFC Bournemouth at Anoeta on September 17, 2026, in San Sebastian, Spain.

Jon Martin, Golden Boy saria irabazteko 20 finalisten artean

Nerea Eizagirrek lehen garaipena eman dio Realari Moeve F Ligan, Valentziaren aurka (0-1)

Sansek ezin izan dio bi goleko bere abantailari eutsi, eta luzapenean galdu du Granadaren aurka (2-3)

Gorka Alvarez: “Kanporaketa erakargarria eta polita egokitu zaigu”