Imanol Alguacilek 'apaltasun osoz' ekingo dio Reala entrenatzeari
Jokin Aperribay Realeko presidenteak astelehen arratsaldean aurkeztu du prentsaurrekoan taldeko entrenatzaile berria: Imanol Alguacil.
Entrenatzaile berria aurkeztu aurretik, Eusebio Sacristan teknikari ohia gogoratu du. Pertsona "zintzoa" dela adierazi du, eta "dena eman du Realaren alde", erantsi du.
Presidentearen arabera, pilatutako emaitza txarrek bultzatu dute Eusebio kargutik kentzea, "azken partidetako dinamika aldatzen saiatzeko".
Imanol Alguacil entrenatzaile berriak, bere aldetik, kargu horri ezin ziola uko egin adierazi ostean, "naturaltasunez" helduko diola esan du, "nigan baino klubean pentsatuta".
Halaber, eskertu egin du klubak berarengan jarritako konfiantza, eta erronka berriari "ilusioz eta apaltasunez" helduko diola azpimarratu du.
"Eusebiok egindako lan onari" zor dion errespetuagatik, ez du ezer esan nahi izan taldean egingo dituen aldaketei buruz, baina jokalariekin zorrotza izango dela eman du aditzera, haiengandik "ahalik eta gehiena" ateratzeko.
Administrazio Kontseiluak duela hilabete erabaki zuen Loren ordezkatzea
Halaber, Aperribayren hitzetan, Administrazio Kontseiluak duela hilabete erabaki zuen klubean "ziklo aldaketa bat egitea" eta, hartara, Lorenzo Juarros Kirol zuzendaria kargutik kentzea denboraldi amaieran.
Aperribayren esanetan, Kontseiluak Lorenekin hitz egin zuen, nahiz eta 2019ra arteko kontratua izan, ziklo aldaketa bati ekiteko garaia izan zitekeela "uler zezan".
"10 urteren ostean, ezin genezakeen izan hurrengo denboraldirako plangintzaz arduratuko zela uste zuen Kirol zuzendaria. Egokiena egoerari aurre egitea zen", azaldu du presidenteak. "Lorenek ez du merezi une garratzik igarotzea", gaineratu du.
Aitzitik, ziklo aldaketa hori ez da denboraldi amaieran gertatu, asteburu honetan jaso da, Getaferen aurkako norgehiagokan Anoetako zaleek Kirol zuzendaria kargutik kentzea eskatu ostean.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.