Aritz Elustondok kontratua berritu du Realarekin 2022ra arte

Realak akordioa lortu du Aritz Elustondorekin bere kontratua 2022ko ekainaren 30era arte luzatzeko. Defentsa txuri-urdinak bi urte gehiago luzatu du bere harremana klub gipuzkoarrarekin. Beasaingo jokalariak akordio berria larunbat honetan sinatu du Anoetako bulegoetan. Aritz Elustondo "oso pozik" azaldu da Real Sociedad TVren aurrean. "Nire bizitzako klubean jarraitzen dut, konfiantza asko eskertzen dut. Lanean jarraitu behar dut".

Bestalde, Loren kirol-zuzendariak, ondorengoa adierazi du: "Kontratua berritu ondoren, gaur egungo egoera eta etorkizuneko egoera sendotu nahi dugu. Etxeko jokalaria da, eta konpromiso handia erakutsi du. Jokalari oso garrantzitsua da etorkizunari begira".