Realak erakustaldia eman eta Vila-real jipoitu du
Realak 3-0 irabazi dio Vila-reali Anoetan erakustaldia emanda. Joko ona azaldu du Eusebiok zuzentzen duen taldeak eta bigarren garaipena jarraian lortu du Ligan. Bi jardunalditan sei puntu bilduta iritsi da Reala txapelketaren geldialdira.
Bizi eta erasokor ekin dio lehiari talde txuri-urdinak. Arazoetan sartu du Vila-realen defentsako lerroa, baina ez du abagune argirik sortzea lortu. Area kanpotik egindako jaurtiketen bitartez egin dituzte saiakerak Juanmik eta Illarramendik, baina ez dute aurkariaren atea aurkitu. Kanpoko taldearen jokalari arriskustsuenak Castillejo eta Bakambu izan dira; hala ere, Vila-realek ez du gola sartzeko aukera argirik sortu. Reala baloiaren jabe izan da, eta aurkaria baino hobeto jokatzen ibili da. Nagusitasunak saria jaso du 26. minutuan; Oyarzabalek kornerra atera, Xabi Prietok buruz ukitu, eta Willian Josek sare barrura bidali du errematea, 1-0ekoa sartuz. Gola sartu ostean, talde txuri-urdinak nagusi izaten jarraitu du, eta lehen zatia amaitu orduko abantaila handitu du Realak. Neurketako 36. minutuan Xabi Prietok sartu du 2-0ekoa. Prietoren 500. partida izan da, eta gola sartuta ospatu du. Realaren bigarren golak txuri-urdinen nagusitasuna islatu du, baina atsedenaldira iritsi orduko Juanmik festa biribildu du, 3-0ekoa sartuta. Gol bikaina sartu du, baloia maisuki loratuta Andres Fernandez atezainaren gainetik.
Bigarren zatian Vila-real erasokorrago zelairatu da, baina ez du abagune argirik sortu Rulliren ate inguruan. Realak ere ez du gol aukera argirik sortu, nahiz eta partida kontrolpean izan duen. Talde donostiarrak izan du bigarren zatiko abagunerik onena 68. minutuan; Barbosa atezainak, ordea, Velaren gola eragotzi du gelditu ona eginda. Oyarzabalek ere abagune argia izan du 86. minutuan, baina Barbosak berriro eragotzi du txuri-urdinen gola. Vila-real ezinean ibili da, eta garaipenak ez dio ihes egin Realari.
Fitxa teknikoa:
3 - Reala: Rulli; Odriozola, Aritz, Navas (Agirretxe, min.81), Rodirgues; Illarramendi, Zurutuza, Xabi Prieto; Oyarzabal, Juanmi (Vela, min.64), eta Willian Jose (Canales, min.73)
0 - Vila-real: Andres Fernandez (Barbosa, min 45); Alvaro, N'Diaye, Semedo, Jaume Costa; Rodri, Trigueros (Sansone, min.79), Fornals, Castillejo; Bacca (Unal, min.69) eta Bakambu.
Golak: 1-0; Willian Jose, min.24, 2-0: Xabi Prieto, min.33. 3-0, Juanmi, min.44.
Epailea: Estrada Fernández.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.