Realak azken minutuan lortu du garaipena Burgosen aurka
Realak 2-3 irabazi dio Burgosi denboraldi-aurre honetan jokatuko duen azken-aurreko partida. Txuri-urdinek Sportingen aurka jokatuko dute prestaketa txanpako azken partida.
Eusebio Sacristanek zuzentzen duen taldea nagusi izan da lehen zatian. Baloiaren jabe izan dira txuri-urdinak, eta Agirretxek sartu du 0-1ekoa, 19. minutuan. Gola sartu ostean, nagusitasun are handiagoa erakutsi du Donostiako taldeak, baina ez du Burgosen ate aurrean asmatu, abaguneak izan dituen arren.
Bigarren zatia hasi eta berehala sartu du Realak bigarren gola. Januzaj erne ibili da area barruan, eta maisuki gainditu du atezaina, 0-2koa sartzeko. Hala ere, bigarren gola egin ostean, erlaxatu egin da Reala; ondorioz, Diego Llorentek pase txarra eman dio Toño Ramirez atezainari, honek ahal izan duen moduan jo du baloia, baina aldaratzea Abel Suarezi heldu zaio, eta 1-2koa sartu du.
Burgosek gola sartu ondoren, talde txuri-urdina egin da berriro baloiaren jabe. Partida kontrolpean izan du Realak, baina abagune gutxi sortu ditu azken txanpan. Argiena Oyarzabalek izan du 75. minutuan, baina erremate erraz bat atezainaren eskuetara bidali du.
Etxeko taldea berdinketaren bila joan da azken minutuetan, eta bigarrena sartu du 87.ean. Burgosek kornerra atera, talde txuri-urdinak kale egin du defentsan, eta Pablok sarera bidali du (2-2). Partida amaitzeko minutu gutxiren faltan iritsi da Burgosen gola, baina Realak azken abagune bat izan du 92. minutuan, eta Oyarzabalek ez du alperrik galdu (2-3).
Fitxa teknikoa:
Burgos CF: Diego (Saizar, 46. min), Andres (Varona, 84. min), Rico (Abad, 84. min), Ayoze (Borda, 65. min), Eneko (Pablo, 84. min), Cusi (Agus, 84. min), Adrian (Tobar, 84. min), Sergio (Campos, 84. min), Abel (Gabri, 84. min), David (Manzano, 80. min), Carlos (Etxarri, 84. min).
Reala: T. Ramirez, Gorosabel, Llorente R. (Raul Navas, 65. min), I. Martinez, De la Bella, Guevara (D. Concha, 72. min), R. Pardo (Illarra, 46. min), Carlos V. (Capilla, 72. min), Januzaj (Juanmi, 65. min), Oyarzabal, Agirretxe (Willian J., 57. min).
Golak: 0-1: Agirretxe, 20. min; 0-2: Januzaj, 48. min; 1-2: Abel, 56. min; 2-2: Pablo, 86. min; 2-3: Oyarzabal, 92. min.
Epailea: Roman Roman.
/b>Roman Roman.Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.