Realak porrota jaso du Santiago Bernabeun
Realak 3-0 galdu du Real Madrilen aurka Santiago Bernabeun, eta ezin izan du LaLigako bigarren itzulia nahi bezain ondo hasi. Talde txuri-urdinak sailkapeneko bosgarren postuan jarraitzen du, laugarren postuan den Atletico Madriletik puntu bakarrera. Atzetik, Vila-real dago, Realetik puntu bakarrera, eta Athletic hiru puntura gerturatu da. Real Madrilek, aldiz, lidergoa sendotu du, eta lau puntu ateratzen dizkio Bartzelonari (bigarren sailkatua), baita Sevillari (hirugarren sailkatua) ere.
Ondo ekin dio lehiari talde txuri-urdinak. Baloiaren jabe izan da Eusebio Sacristanek zuzentzen duen taldea, eta lehen abagunea Willian Josek izan du, baina Keylor Navas atezainak eragotzi du Realaren gola. Canales ere saiatu da Keylor gainditzen, baina horrek ere ez du lortu. Real Madril ezinean ibili da hasierako minutuetan, baina Lucas Vazquezek ere sortu du arriskua. Reala nagusitzen hasi denean, Cristiano Ronaldok pase dotorea eman dio Kovacici, eta honek 1-0ekoa sartu du, Rulli atezaina gandituta. Gola hartu ostean, partida berdintzeko abagunea izan dute txuri-urdinek atsedenaldira iritsi aurretik; Juanmik, ordea, kanpora bidali du jaurtiketa, gutxigatik.
Bigarren zatiari ere erasokor ekin dio Realak. Baloiaren jabe izan da, baina ez dute aukera argirik sortu aurkariaren ate inguruan. Atsedenaldiaren ostean, erasora jo du talde txuri-urdinak, baina Real Madrilek kontraeraso azkarra antolatu, eta Cristiano Ronaldok 2-0ekoa sartu du, Rulli maisuki gaindituta, Kovacicen pasea baliatuta. Bigarren golak min egin dio Realari, eta Zidanek zuzentzen duen taldeak ez du defentsan sufritu partidaren azken txanpan. Norgehiagokako 74. minutuan, Iñigo Martinez egotzi egin du epaileak, Casemirori sarrera gogorra egin ondoren. Gainera, Alvaro Moratak bere taldearen garaipena biribildu du, 3-0ekoa sartuta.
Fitxa teknikoa:
3 - Real Madril: Keylor Navas; Danilo, Varane, Sergio Ramos, Nacho; Casemiro, Kroos, Kovacic (Isco, 78. min); Lucas Vazquez (Marco Asensio, 84. min), Cristiano Ronaldo eta Benzema (Morata, 66. min).
0 - Reala: Rulli; Zaldua, Navas, Iñigo Martinez, Kevin; Illarramendi, Canales (Granero, 78. min), Zurutuza; Juanmi, Oyarzabal (Xabi Prieto, 57. min) eta Willian Jose (Vela, 57. min).
Golak: 1-0, m.38: Kovacic. 2-0, 50. min: Cristiano Ronaldo. 3-0, 83. min: Morata.
Epailea: Melero Lopez.
o Lopez.Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.