Reala garaile, partida ona eginda (2-0)
Reala aurten serio dabilela argi utzi du eta Europako postuetan amaitzeko hautagaitza sendoa aurkeztu du Anoetan Atletico Madrili 2 eta 0 irabazi ostean. Partidako bi golak bi penaltiren ondorioz iritsi dira.
Donostiarrek presioa egin dute hasieratik eta madrildarra bere zelaian sartuta izan dituzte minutu askotan. Lehen abisua Zurutuzak eman du, neurketa hasi eta bost minutura.
Lehen zatiaren erdi aldera esnatu da Cholo Simeoneren taldea, eta arriskua sortu dute Rulliren arearen inguruan.
Reala sufritzen hasi da, baina aukerak izan ditu. Argiena, atsedenaldiaren atarian, Carlos Velaren errematea Oblak atezainaren eta langaren artean urrundu dutenean.
Mexikarra izan da protagonista bigarren zatian. Gabik penaltia egin dio Yuriri eta Vela izan da penalti puntutik jaurti eta gola egin duena.
Bigarren gola, William Josek
Txuri-urdinen golarekin, Atletico urduri jarri da eta erasoan ez du asmatu. Griezmann erdi desagertuta ibili da eta Saul Correagatik aldatu du Simeonek partidaren amaieran.
Realak estutasunak ekidin ditu bigarren gola sartuz. Epaileak Carlos Velari penaltia egin diotela adierazi du, eta hau Willian Josek jaurti du, gipuzkoarren bigarren gola egiteko.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.