Berdinketa garratza lortu du Realak Deportivoren aurka
Realak bana (1-1) berdindu du Deportivoren aurka Anoetan eta BBVA Ligako bigarren itzuliari puntu bat eskuratuta ekin dio. Txuri-urdinak aurkaria baino gehiago izan dira, Deportivok baino hobeto jokatu dute, baina ezin bere zaleen aurrean garaipena lortu.
Lehen zatian jaun eta jabe izan dira txuri-urdinak eta hainbat abagune sortu dituzte. Bigarren minutuan Velak pase bikaina eman dio Jonathasi eta bere errematea Lux atezainak desbideratu du oinarekin. Hamar minutu beranduago, Deportivoren erantzuna etorri da, baina Rullik erantzun ona eman dio Lucas Perezen erremateari, kornerrera desbideratuz. Jarraian, Ruben Pardok jaurtiketa ona atera eta Luxek Realaren gola eragotzi du, erantzun bikaina emanda. Reala izan da baloiaren jabe, nahiz eta 15. minututik aurrera txuri-urdinek ez duten abagune argirik sortu. Deportivo ezinean ibili da, baina 29. minutuan, Realaren defentsak kale egin du, Galiziako taldeak baloia berreskuratu, Lucas Perezek pase ona eman dio Luis Albertori eta honek ez du barkatu Rulliren aurrean (0-1).
Gola jaso ostean, Eusebio Sacristanek zuzentzen duen taldeak erasora jo du. Lehen zatiaren azken txanpan hiru abagune on izan ditu Realak eta Lux atezaina izan da protagonista hiruretan. Lehenengo Brumaren erremateari erantzun bikaina eman dio, ondoren, Velaren jaurtiketa gurutzatu bat desbideratu du, eta 43. minutuan Pardoren jaurtiketaren aurrean gelditu ezin hobea egin du.
Bigarren zatiari ere erasokor ekin dio Realak, baina lehen abagunea Deportivok izan du. Galiziarren golean eman den jokaldi bera eman da 56. minutuan: Realak baloia galdu du defentsan, Lucas Perezek berreskuratu eta oraingoan, Luis Albertok ez du gola sartu Rullik eragotzi baitu. Une horretatik aurrera, abagune guztiak talde txuri-urdinarenak izan dira. 70. minutuan, epaileak Realaren gola baliorik gabe utzi du Iñigo Martinezen jokoz kanpoko posizioagatik. Jokalari txuri-urdina posizio onean egon da, baina epaileak ez du asmatu.
Norgehiagoka azken txanpan sartu da, eta Realak markagailua aurka eduki du. Horrela, 73. minutuan, epaileak gipuzkoarren aldeko penaltia adierazi du Jonasek Xabi Prietori egindako faltagatik. Xabi Prietok berak jaurti du penaltia eta ez du huts egin (1-1). Golak indarra eman dio Realari azken txanpan eta partida irabazteko aukerak izan ditu talde txuri-urdinak. 77. minutuan Iñigo Martinezek pase bikaina eman dio Xabi Prietori, kapitainak kontrola egin du, baina Lux atezaina aurreratu zaio errematea egitea galaraziz. Azken minutuetan, Oiarzabalek area kanpotik jaurtiketa indartsua atera eta baloia kanpora joan da, langa jo ostean. Amaieran, puntu banaketa Anoetan.
Fitxa teknikoa:
1.- Reala: Rulli; Carlos Martinez, Elustondo, Iñigo Martínez, Yuri (Hector, 75. min); Markel, Xabi Prieto (Oiarzabal, 87. min), Pardo (Illarra, 62. min); Bruma, Vela eta Jonathas.
1.- Deportivo: Lux; Laure, Lopo, Sidnei, Navarro; Luis Alberto (Faycal, 82. min), Bergantiños, Mosquera; Juanfran, Luisinho (Jonas, 71. min), Lucas Perez.
Golak: 0-1, 26. min: Luis Alberto. 1-1, 74. min: Xabi Prieto, penaltiz.
Epailea: Martínez Munuera.
rtínez Munuera.Zure interesekoa izan daiteke
Emaitza gogorra Realarentzat, Londresen aurpegia eman arren (5-2)
Aturo Ruizek zuzentzen duen taldeak gol sorta ederra jaso du Londresen Chelsearen aurka jokatutako emakumezkoen Txapeldunen Ligako aurreko faseko joaneko partidan.
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.