Moyesek denboraldi-aurre zorrotza prestatu du

David Moyes Realeko entrenatzaileak azken urteetako denboraldi-aurre zorrotzenetariko bat prestatu du: Lan-saio hirukoitzak, lau partida zortzi egunean eta kontzentrazioak Austrian, Eskozian eta Txinan.

Aurreneko lagunartekoa lanera bueltatu eta sei egunera jokatuko dute txuri urdinek. Hilaren 4an entrenatzen hasiko dira eta 10ean Celticekin neurtuko dituzte indarrak.

Bi egun geroago Eskoziako Johnstonen aurka jokatuko dute eta Livingston F.C. ere aurkari izango dute.

Etxera itzuli eta 18an Real Unionen kontra arituko dira. Hilaren amaieran Txinara bidaiatuko dute eta bertan Rayo Vallecanorekin neurtuko dituzte indarrak.