Garrantzi handiko hiru puntu eskuratu ditu Realak, kostata
Realak urrezko hiru puntu eskuratu ditu Valentziaren aurka (1-0), Anoetan, jokatutako neurketan. Garaipenaren gola Imanol Agirretxek egin du, 60. minutuan.
Zuhurtziaz jokatu dute talde biek lehen zatian. Ez batak ez besteak ez zuten arriskatzeko asmoa, eta aurreneko 45 minutuetan gol aukera eskasak egon dira.
Griezmannek bat izan du neurketaren hasieran, eta valentziarrak pare bat aldiz hurbildu dira Claudio Bravok defendatutako ate ingurura. Reala zen etxekoa, baina Pizziren gizonek sortu dute arrisku gehiago. Realak ez du eroso jokatu.
Bigarren zatiaren hasiera ere erritmo gutxikoa izan da, baina 60. minutuan partida aldatu da. Valentziak markagailua estreinatzeko aukera izan du jokaldi nahasi batean, eta hurrengo jokaldian gola egin du Realak: Jose Angelek ezkerretik erdiratu du, eta Imanol Agirretxek gol ederra sartu du, buruz.
68.ean etxekoen bigarren egiteko abagunea izan du Antoine Griezmannek. Agirretxek pase bikaina eman dio, eta bakarrik geratu da Diego Lopezen aurrean, baina atezainaren gorputzarekin egin du topo. Amaierara arte asko sufritu du Realak, baina garaipena etxean geratu da azkenean.
Fitxa teknikoa:
1 - Reala: Bravo; Zaldua, Iñigo Martinez, Mikel, Jose Angel; Bergara, Zurutuza, Canales (Ruben Pardo, 78'); Vela, Griezmann eta Agirretxe (Xabi Prieto, 81').
0 - Valentzia: Diego Alves; Barragan, Senderos, Victor Ruiz, Bernat (Michel, 82'); Parejo, Keita, Feghouli; Vargas (Araujo, 68'), Piatti (Fede, 54'), Jonas.
Gola:
1-0, 61': Agirretxe.
Zure interesekoa izan daiteke
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Caleta-Carrek eta Wesleyk ez dute Realean jarraituko
Kroaziako atzelaria Olympique Lyonera (Frantzia) itzuliko da, eta aurrelari brasildarra Saudi Arabiako Al-Nassr taldera. Caleta-Car hasierako hamaikakoetan izan da denboraldiaren zati handi batean; Wesleyk, aldiz, minutu gutxi batzuk besterik ez ditu jokatu.
Sanse galtzaile atera da Albacetetik (3-1)
Donostiarrek baloiaren jabetza izan dute, baina ez dira fin ibili erasoan.
Matarazzo: “Aldaketak egon daitezke"
Realeko entrenatzaileak Espanyolen aurka jokatuko duten partidaz hitz egin du, EA Sports Ligako 38. eta azken jardunaldian.
Donostia Ospitalera eraman dute Jon Balda, Zaragozan egin zioten bareko ebakuntzaren ondoren
Realaren bigarren taldeak aurreko asteko astelehenean Huescan jokatu zuen partidan, zelaia utzi zuen Sanseko atzelariak, eta hurrengo egunean barean ebakuntza egin zioten, Zaragozan.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Sansek mailari eustea ziurtatu du Mirandesen aurka azken unean berdinduta (2-2)
Dani Diazek 93. minutuan sartutako golak puntu erabakigarria eman dio talde txuri-urdinari Anoetan, Bigarren Mailan jarraitzea matematikoki ziurtatzeko.
Matarazzo, Elustondoren agurrari buruz: “Oso egun berezia izango da, berezia den jokalari batentzat"
Entrenatzaileak aurreratu duenez, litekeena da Elustondok igande honetan, Valentziaren aurka, minutu batzuk jokatzea. Jokalariaren azken partida izango da Anoetan.
Barrenetxeak lesioa du ezkerreko aduktore luzean
Jokalari txuri-urdinak min hartu zuen ostegunean Gironaren aurka jokatutako partidan.
Nerea Eizagirrek kontratua berritu du Realarekin 2028ra arte
Erdilari tolosarak 2028ra arte luzatu du Realarekin zuen lotura, beste urte batez luzatzeko aukerarekin.