Reala final-laurdenetan da, Javi Rosen golari esker (0-1)
Realak Kopako final-laurdenetarako txartela lortu du Vila-real taldea Madrigalen mendean hartuta (0-1). Hurrengo kanporaketan Racingen aurka neurtuko ditu indarrak Jagoba Arrasateren taldeak.
Kaskarra izan da Madrigalen lehen zatia. Aurreneko minutuak erritmorik gabekoak izan dira, eta atsedenaldiaren aurretik bakarrik animatu da partida, pixka bat.
Baloiaren jabetza Marcelinoren gizonena zen, baina jokoak ez zuen jarraipenik. Seferovicek ez du aprobetxatu Arrasate teknikariak gaurko partidan eman dion aukera. Bakar-bakarrik ibili da aurrelaria erasoan.
32. minutuan heldu da txuri-urdinen gola. "Chory" Castrok jokaldi ona egin du ezkerretik, Xabi Prietok errematatu du baloia, eta Juan Carlosek urruntzea lortu du, baina aldaratzea Javi Ros gazteari heldu zaio, eta nafarrak 0-1ekoa egin du.
Bigarren zatian, Vila-realen gola saihestea izan du Realak helburu. Kostata erdietsi du. Reala ez da baloiaren jabetza eskuratzeko gai izan, eta etxeko taldea izan da nagusi.
74. minutuan, Ucheri egindako penaltia adierazi du epaileak, okertuta. Hala ere, Perbert frantziarrak kale egin eta baloia kanpora bidali du. Azken unera arte sufritu du Realak, baina azkenean saria lortu du, final-laurdenetarako txartela eskuratuta.
Honela joan da partida eitb.com-en.
Fitxa teknikoa:
0 - Vila-real: Juan Carlos; Pantic (Mario, 59'), Musacchio, Gabriel, Jokic; Hernan Perez (Aquino, 59'), Bruno, Pina, Moi Gómez (Uche, 65'); Jonathan Pereira eta Perbet.
1 - Reala: Zubikarai; Carlos Martínez, Ansotegi, Iñigo Martinez, Jose Angel; Elustondo, Ros (Zurutuza, 60'), Gaztañaga; Xabi Prieto, Chory Castro (Griezmann, 78') eta Seferovic (Vela, 67').
Gola:
0-1. 32': Ros.
Zure interesekoa izan daiteke
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.