Txapeldunen Ligako ateak irekitzen dituen garaipena
Realak garaipen garrantzitsua lortu du Valentziaren aurka (4-2), eta Txapeldunen Ligara sailkatzea gero eta gertuago du talde txuri-urdinak. Bost puntuko abantaila du Realak atzetik dituen Valentziarekiko (bosgarren sailkatua) eta Malagarekiko (seigarren sailkatua).
Partida bizi hasi da, eta bi taldeek hasieratik utzi dute garbi garaipena lortu nahi zutela. Bigarren minutuan etorri da txuri-urdinen lehen abagunea, baina Velaren jaurtiketa dotorea kanpora joan da, gutxigatik. Valentziaren erantzuna jarraian etorri da, eta Claudio Bravo atezainak erantzun bikaina eman dio Mathieuk jaurtitako faltari. Bi taldeak erasokor aritu dira, eta argi zegoen gola alde batetik edo bestetik iritsi behar zela. Valentzia izan da aurkariaren atea zulatzen lehena: Cissokhok erdiraketa ona atera du, eta Soldadok sare barrura bidali du lehen zutoinean egindako errematea. 25. minutuan, Valentzia 0-1 irabazten ari zen.
Golak min egin dio Realari, eta, 29. minutuan, epaileak txartel gorria barkatu dio Claudio Bravori. Talde txuri-urdineko atezainak baloia eskuaz jo du, area kanpoan, baina epaileak ez du ezer adierazi. Pixkanaka, Reala joko hobea egiten hasi da, eta, 35. minutuan, Iñigo Martinezek partida berdintzea lortu du, kornerretik zetorren erdiraketa boleaz sare barrura bidalita (1-1). Lehen zatia berdinduta bukatu da.
Bigarren zatian, Valentzia izan da baloiaren jabe, baina Reala sendo aritu da defentsan, kontraerasora ateratzeko zain. Valentziaren ekinak ez du saririk jaso, eta Realak 2-1ekoa sartu du, kontraerasoan, Chory Castroren bitartez.
Gola hartu eta gero, Valentzia oraindik eta erasokorrago azaldu da, baina Reala ezda kikildu, eta , defentsako lan bikaina eginda, golik ez jasotzea lortu du. Reala gustura egon da atzean, eta, kontraerasorako aukera eduki duenean, arriskua sortu dute txuri-urdinek. Horrela, 88. minutuan, Agirretxek amaiera ona eman dio Xabi Prietoren erdiraketari, eta 3-1ekoa sartu du. Bazirudien gol horrek partida erabakita utzi duela, baina Valentziak ez du etsi, eta Jonasek 3-2koa sartu du, 90. minutuan.
Luzapeneko azken lau minutuetan, Valentziak lerro guztiak aurreratu ditu, berdinketa lortzeko, baina Reala ez da urduri jarri, eta, azken minutuan, Agirretxek maisuki amaitu du talde txuri-urdinaren kontraeraso bat (4-2).
Fitxa teknikoa:
4 - Reala: Bravo; Carlos Martínez, Iñigo Martinez, Mikel, De la Bella; Illarramendi (Pardo, 87. min), Bergara, Xabi Prieto (Ansotegi, 88. min); Chory Castro (Zurutuza, 76. min), Vela eta Agirretxe.
2 - Valentzia: Diego Alves; Joao, Ricardo Costa, Mathieu, Cissokho (Valdez, 79. min); Albelda (Guardado, 75. min), Ever Banega, Feghouli (Piatti, 72. min), Dani Parejo; Jonas, Soldado.
Epailea: Fernandez Borbalan.
Golak: 0-1, 25. min: Soldado. 1-1: Iñigo Martinez. 2-1, 73. min: Chory Castro. 3-1, 86. min: Agirretxe. 3-2, 90. min: Jonas. 90+4. min: Agirretxe.
Zure interesekoa izan daiteke
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.