Osasunak puntu bat eskuratu du Oviedon, eta etxetik kanpo aurrenekoa bildu du (0-0)
Osasunak berdindu egin du, 0-0, Real Oviedoren aurka, Carlos Tartiere futbol zelaian, Oviedon, 2025-2026 denboraldiko hamaikagarren jardunaldian, astelehen gauean. Horrenbestez, Nafarroako taldeak estreinakoz lortu du puntu bat Sadarretik at aurtengo Ligan; Lisciren gizonak, hamaika partidatan beste horrenbeste puntu erdietsita, hamabosgarren postuan dabiltza, sailkapenean, behin-behinean.
Real Oviedo-Osasuna (0-0): Partidaren laburpena
Lehen zatian, Real Oviedo oso indartsu zelairatu bada ere, Osasunak izan du gola sartzeko aukerarik onena, eta oso gutxigatik ez du aurrea hartu markagailuan. Jokaldia 28. minutuan izan da; orduan, falta batean, Ruben Garciak erdiraketa bikaina egin du, penalti puntura, eta Budimirrek, burukada eder baten bidez, errematea lortu du; baloia sareetara zihoan, baina Aaron Escandellek, Real Oviedoren atezaina bera, geldiketa ederra egin du. Okerrena, baina, Lucas Torroren lesioa izan da; izan ere, erdilariak hamabosgarren minutuan utzi behar izan du zelaia. Iker Muñoz irten da haren ordez.
Bigarren zatian, Asturiasko taldeak, tarte batzuetan, presio handia egin du, eta Fede Viñasen bitartez, 69. minutuan, gertu izan du gola, baina baloia gora joan da. Abel Bretonesek, lau minuturen buruan, kontraeraso batean, ezkerrez jaurti du, eta Aaronek berriro ere saihestu du 0-1ekoa. Real Oviedo eta Osasuna indartsu aritu dira borrokan, eta ahalegin handia egin dute, gutxienez berdinketari eusteko. Azkenean, ez da golik izan, Aimar Oroz taldera bueltatu den norgehiagokan.
Liga berriro gelditu baino lehen, Osasunak Sevillaren zelaian jokatuko du, larunbatean, 16:15ean; Lisciren gizonek beste aukera bat izango dute, bertan, etxetik kanpoko lehenengo garaipena eskuratzeko.
Fitxa teknikoa
0 – Real Oviedo: Aaron Escandell; Nacho Vidal, Costas, Carmo, Javi Lopez (Rahim, 86. min); Dendoncker, Colombatto; Viñas (Pablo Agudin, 82. min), Reina (Ilic, 82. min), Ilyas Chaira (Hassan, 69. min); eta Rondon.
0 – Osasuna: Sergio Herrera; Moncayola, Boyomo, Catena, Abel Bretones; Víctor Muñoz, Torro (Iker Muñoz, 18. min), Moi Gomez (Kike Barja, 85. min), Ruben Garcia (Aimar Oroz, 69. min); Budimir (Herrando, 85. min) eta Raul Garcia.
Epailea: Guzman Mansilla (Andaluziako Batzordea). Real Oviedoko Colombatto, Nacho Vidal eta Carmo eta Osasunako Catena zigortu ditu, txartel horia aterata.
Nabarmentzekoa: 23.795 zale izan dira Carlos Tartieren.
Zure interesekoa izan daiteke
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.