Bartzelona-Osasuna partida atzeratu dute, talde blaugranaren medikua bat-batean hil baita
Larunbat honetan jokatzekoa zen Bartzelonaren eta Osasunaren arteko partida atzeratu egin dute. Kataluniako taldeak iragarri duenez, Carles Miñarro medikua hil da, eta, ondorioz, bertan behera geratu da 21:00etan Montjuic zelaian jokatu behar zen partida, EA Sports Ligako 27. jardunaldikoa.
Miñarro bat-batean hil da, Bartzelonak partidaren atariko orduak igarotzeko hartuta zuen hotelean. Medikua ez da taldearen meriendan agertu, horretarako deituta egon arren, eta partida hasteko ordubete falta zenean Joan Laporta presidenteak heriotzaren berri eman die jokalari eta teknikariei. Miñarro 54 urte betetzekoa zen hilaren 27an.
Lehen taldeko futbolariek eurek eskatu diote klubari partida atzeratzeko, eta pisu handiko arrazoia denez, Ligako araudiak aukera ematen du horrelakoetan hori eskatzeko.
Liga eta Osasuna partida atzeratzearen alde agertu dira. Espainiako Futbol Federazioak bost laneguneko epea eman die bi klubei, Ligarekin koordinatuta, partida jokatzeko egun bat adosteko.
Kataluniako taldeak Txapeldunen Ligako kanporaketan aurrera egingo balu, aukera bakarra izango luke partida jokatzeko: maiatzaren 21a, asteazkena.
Zure interesekoa izan daiteke
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.
Osasunak Espanyolen aurka galdu du Sadarren (1-2), eta azken jardunaldian bermatu beharko du mailari eustea
Romerok, lehen zatian, aurretik jarri du Espanyol, Victor Muñozek berdinketa egin du atsedenaldiaren ostean, eta Kike Garciak, 53. minutuan, partidan erabakigarria izan den gola sartu du. Emaitza horrek dakar Osasunak 42 puntu dituela jarraitzen duela, alegia, hamazortzigarren postuan dabilen Gironak baino bi gehiago, eta hemeretzigarren tokian dagoen Mallorcak baino hiru gehiago.
Lisci: “Futbola sentipen indartsuak daudenean da erakargarria"
Osasunako entrenatzaileak Espanyolen aurka EA Sports Ligako 37. jardunaldian jokatuko duten partidari buruz hitz egin du.
Raul Morok ez ditu azken bi jardunaldiak jokatuko, lesioagatik
Jokalari katalanak berdegunetik alde egin behar izan zuen lehen zatian koltxoneroen aurrean, eskuin izterreko atzealdean min egin ostean.
Budimir: “Aurkariaren atean eraginkorragoak izan behar gara”
Osasunak 1-2 galdu du Atletico Madrilen aurka, Sadarren. Talde gorritxoak, aukera asko izan dituen arren, gol bakarra sartu du eta Europan sartzeko aukeratik urrundu ditu. (Bideoa gazteleraz)
Osasunak Atleticoren eraginkortasunaren aurka talka egin du, eta Europako ametsa urruntzen ari zaiola ematen du (1-2)
Lookmanen eta Sorlothen golek Alessio Liscik zuzentzen duen taldea zigortu dute, nahiz eta gehiago merezi izan duen lehen zatian, atsedenaldira berdindurik joteko moduan egon da behintzat, baina bigarrenean beste gol bat jaso du. Barjak aldea murriztu du luzapenean.
“Talde sendoa izan behar gara; ez dago Atleticok menderatzen ez duen jokoaren faserik”
Osasunak Atletico Madrilen aurka jokatuko du bihar, maiatzak 12, Sadarren. Hauxe da talde gorritxoaren egoera: Liscik esan bezala, “Ez dakigu bihar salbazioagatik edo Europarengatik borrokatuko dugun”, baina argi dute garaipena eta puntuak behar dituztela. (Bideoa gazteleraz)
Alessio Lisci: “Gauza arraro asko gertatu dira, baina ez dut hitz egin nahi"
Osasunak 3-2 galdu du Levanteren aurka ostiral honetan. Lehen 10 minutuetan 0-2 jarri arren, defentsan egindako akatsek eta Sergio Herrerak ikusi duen txartel gorriak partida baldintzatu dute.
Osasuna loriatik amesgaiztora igaro da Levanteren aurka (3-2)
Lehen 10 minutuetan 0-2 jarri arren, defentsako akatsek eta Herrerak jasotako txartel gorriak partida baldintzatu dute, eta gorritxoek porrot mingarria jaso dute.