Budimirrek penaltiz egindako golak garaipena eman dio Osasunari Valladoliden aurka (1-0)
Osasunak beste hiru puntu lortu ditu larunbat honetan EA Sports Ligan Valladolidi etxean 1-0 irabazita, Ante Budimir kroaziarrak penaltiz sartutako golari esker. Garapen honekin, nafarrak laugarren jarri dira sailkapenean.
Nafarrek joko bizia egin dute eta aurkariari ez diote arnasa hartzeko ere aukerarik eman. Zelai erdia kontrolpean izan dute neurketa osoan, eta horri esker arazo handirik gabe bideratu dute garaipena.
Partidako gol bakarra 19. minutuan iritsi da, VARak berrikusitako jokaldi baten ondorioz. Valladoliden ateazainak erantzun bikaina eman dio Bryan Zaragozaren erremate ati eta jokaldi horretan Ante Budimirri falta egin diote area txikian. Garcia Verdura epaileak penaltia adierazi du jokaldia berriro aztertuta. Zigorra Budimirrek jaurti eta sartu du, denboraldi honetako seigarren gola egin du kroaziarrak, eta Osasunarekin sartzen duen berrogeita hamargarrena. Gola ospatzeko, 'Fuerza Valencia' leloa zuen kamiseta atera du aulkitik, Espainia ekialdeko uholdeetako biktimen omenez.
Lehen 35 minutuetan, Vicente Morenoren taldeak 9 erremate egin ditu eta horietako bat ate barrura sartu du. Iruindarrek eroso jokatu dute.
Aldagelatik bueltan, gauzak ez dira aldatu. Bryan, oso erasokor partida osoan, pasea eman dio Budimirri eta honen jaurtiketak zutoina jo du.
Valladolid taldeko entrenatzaileak hiru aldaketa egin ditu bere taldea suspertzen saiatzeko. Moncayola ere saiatu da, baina Heinen ondo erantzun dio bere jaurtiketari. Nafarrek gehiago nahi zuten.
Vicente Morenok palkotik ikusi du neurketa zigortuta zegoelako eta Iker Muñoz zelairatzea erabaki du, taldeari oreka gehiago emateko.
Budimirrek aukera argia izan du bigarren gola egiteko. Osasunak aise kontrolatu du neurketa, baina jokalari batzuek neka-neka eginda amaitu dute partida.
Vallladolid azken minutuen erasora joaten saiatu da, baina ahaleginei etekinik atera gabe. Hala ere, luzapenean berdinketa lortzeko aukera argia izan dute, baina Catenak baloia desbideratzea lortu du.
Azkenean, 1 eta 0 Osasunaren alde, gorritxoak laugarren postura igo dira.
Fitxa teknikoa:
1 - Osasuna: Sergio Herrera; Areso, Catena, Boyomo, Juan Cruz, Moncayola (Pablo Ibañez, 85. min), Torro, Aimar (Bretones, 90. min); Peña (Iker Muñoz, 63. min), Budimir (Raul, 85. min), Bryan (Ruben Garcia, 85. min).
0 - Valladolid: Hein; Luis Perez, Javi Sanchez, Torres, Rosa; Amallah (Ivan Sanchez, 58. min), Comert (Kike Perez, 60. min), Mario Martin (Marcos Andre, 81. min), Moro, Sylla eta Anuar (Meseguer, 60. min).
Golak: 1-0, m.19: Budimir, penaltiz.
Epailea: Victor Garcia Verdura (Kataluniako batzordekoa), Villaseñor Julian eta Garcia Gonzalez laguntzaile lanetan aritu dira. Txartel horia atera dio Moncayolari eta Valladolideko Anuar, Kike Perez, Sanchez, Martin eta Luis Perez jokalariei.
Zure interesekoa izan daiteke
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.
Juan Cruzek ez du Osasunan jarraituko
Atzelariak sei denboraldi eman ditu Nafarroako klubean; Elxetik iritsi zen bertara. 164 partida jokatu ditu talde gorritxoan: “Bere lehen denboralditik, taldekideen eta zaleen errespetua eta maitasuna bereganatu zituen, eta balioak defendatzen jakin izan du”, nabarmendu du Iruñeko klubak.
Alessio Liscik Osasunako entrenatzailea izateari utzi dio
Nafarroako klubak astelehenean iragarri du italiarrak ez duela jarraituko taldea zuzentzen; Liscik beste urtebeterako kontratua zuen, Osasunarekin.
Catena: “Ez da izan espero genuen bezala, ezta nahi genuen bezala ere, baina Lehen Mailan gaude"
Osasunako jokalariak salbazioa lortu ondoren hitz egin du, nahiz eta Getaferen aurka galdu (1-0) EA Sports Ligako azken jardunaldian. Kritiko agertu da denboraldi amaieragatik, batez ere atzetik datozenei eragindako "sufrimenduagatik".
Osasunak galdu egin du Getaferen aurka, baina Lehen Mailan jarraituko du (1-0)
Porrotaren ondoren, aurkari zuzenen emaitzen zain geratu dira. Gironaren eta Elxeren arteko berdinketak mesede egin dio talde nafarrari, horri esker beste urtebetez Lehen Mailan jarraituko baitu.
Lisci: “Taldea zelaian hilko da”
Alessio Lisci Osasunako entrenatzaileak autokritika egin du eta adierazi du gaizki egin zutela pentsatuz 42 puntu bilduta nahikoa zela mailari eusteko. Edonola ere, taldea ondo dagoela eta Getaferen aurkako “finalean” gorritxoek dena emango dutela ziurtatu du.
Zer behar du Osasunak mailari eusteko?
Osasunak ez dauka ziurtatuta lehen mailan jarraitzea, eta Getaferen etxean jokatuko du ligako azken partida. Jose Bordalasen taldeak, berriz, Conference Ligan sartzea izango du lehian.
Ateak irekita entrenatuko du Osasunak ostiralean, Sadarren, 18:00etan, Getaferen aurkako partida erabakigarriaren aurretik
Osasunaren zaleek talde nafarrari bultzada emateko aukera izango dute, Coliseum estadioan jokatuko den partidaren bezperan; talde gorritxoak EA Sports Ligan eustea bilatuko du.
Kike Barja: “Konfiantzaz, gogoz eta motibazioz gaude"
Kike Barja Osasunaren jokalariak asteburu honetan Getaferen aurka jokatuko duten partida erabakigarriari buruz hitz egin du. Adierazpenak, gaztelaniaz.