Osasunak 1-1 berdindu du Vila-realekin, Jagoba Arrasaten agurrean
Osasunak 1-1 berdindu du Vila-realekin Sadarren jokatutako EA Sports Ligako 38. eta azken jardunaldiko partida. Neurketa amaituta, Jagoba Arrasatek zaleen babesa jaso du, azkenekoz zuzendu baitu talde gorritxoa.
Nafarroako taldeak ondo ekin dio partidari. Zazpìgarren minutuan izan du lehen abagunea Osasunak, baina Budimirrek ez du ondo errematatu Ruben Peñaren erdiraketa. 13. minutuan, Sorloth Vila-realeko jokalariak min hartu du jaurtiketa bat egin ostean, eta berdegunea utzi behar izan du 23. minutuan. Moralesek ordezkatu du; beraz, norvegiarra Ligan gol gehien sartu dituen jokalariak lortzen duen Pitxitxi saria irabazteko aukerarik gabe geratu da, Dovbyk Girona taldeko aurrelariak Sorlothek baino gol bat gehiago sartu baitu.
Aurkariak aldaketa egin ostean, gorritxoek erasora jo dute. Osasunaren ekinak saria jaso du 31. minutuan; Budimirrek sartu du gola (1-0), Ruben Peñaren pasea baliatuta.
Ia jarraian, Vila-realek lehia berdintzeko aukera argia izan du, baina Moralesek ez du asmatu Aitor Fernandezek babestutako ate aurrean. Atsedenaldira heldu aurretik, gorritxoek bigarrena sartzeko abagunea izan dute; Aresoren jaurtiketa, ordea, Reina atezainak gelditu du.
Bigarren zatiaren hasieran, Vila-real izan da nagusi. Valentziako Erkidegoko taldeak abisua eman du 52. minutuan, langa jo duen Mosqueraren erremate baten bidez. Bost minutu geroago, Marcelino Garcia Toralek zuzentzen dituen mutilek ez dute barkatu; Moralesek banakoa jarri du markagailuan (1-1), Baenaren pasea jaso, Aitor Fernandez atzean utzi eta baloia sare barruan sartuta.
Ondoren, norgehiagokaren erritmoa baretu egin da, baina azken txanpan berriro piztu da sua. Partidako 84. minutuan, Reinak erantzun ona eman dio Peñaren jaurtiketari; 87.ean, aldiz, gola sartzeko aukera izan du Vila-realek, baina Aitor Fernandezek gelditu egin du Moralesen jaurtiketa.
Luzapenean, Moralesek sartutako gola baliogabetu du epaileak, Vila-realeko jokalaria jokoz kanpo zegoelako baloia hartu duenean.
Hortaz, 1-1eko emaitzarekin bukatu da partida.
Fitxa teknikoa:
1 - Osasuna: Aitor Fernandez: Areso, Catena (Unai Garcia, 80. min), Herrando, Mojica; Torro (Moncayola, 66. min), Iker Muñoz, Ibañez (Moi Gomez, 66. min); Peña, Budimir (Raul Garcia de Haro, 59. min), Aimar (Arnaiz, 80. min).
1 - Vila-real: Reina: Kiko Femenia, Mandi, Mosquera, Cuenca (Parejo, 64. min); Trigueros, Comesaña, Baena (Guedes, 64. min); Traore, Sorloth (Morales, 17. min), Terrats (Akhomach, 79. min).
Golak: 1-0, 31. min: Budimir. 1-1, 57. min: Morales.
Epailea: Melero Lopez. Txartel horia atera die Iker Muñoz, Peña, Arnaiz eta Unai Garcia Osasunako jokalariei, baita Baena, Mosquera eta Traore Vila-realeko futbolariei ere.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.