Osasunak porrota jasan du Betisen aurka (2-1), Benito Villamarinen
Osasunak galdu egin du Betisen aurka (2-1), igande honetan, urriaren 28an, Benito Villamarinen jokatutako EA Sports Ligako 11. jardunaldiko partida. Hala, talde gorritxoak sailkapeneko 11. postuan (13 puntu) amaituko du jardunaldia.
Nafarroako taldea erasokor zelairatu da, baina ez du gol aukera argirik sortu. Betisek ere ez du ia abagunerik izan. Hala, bada, bazirudien lehen zatia golik gabe amaituko zela, baina ez da horrela izan, etxeko taldeak gola sartu baitu atsedenaldira iritsi aurretik; Willian Jose izan da Betisen golegilea (1-0), 46. minutuan. Aurrelari brasildarrak Herrera atezaina gainditu du, Iscoren erdiraketa errematatuta.
Bigarren zatiaren hasieran, Osasuna izan da nagusi. Lucas Torrok saiakera egin du area kanpotik 60. minutuan, baina haren jaurtiketa kanpora joan da. Ondoren, Iruñeko taldeari kosta egin zaio aurkariaren ate inguruan arriskua sortzea, eta susto handia hartu du 68. minutuan: epaileak penaltia adierazi du Betisen alde, ustez David Garciak area barruan falta egin diolako Assane Diaori. Gainera, bigarren txartel horia atera dio Osasunako kapitainari. Hala ere, arbitroak bi erabakiak baliogabetu ditu, VAR sistema kontsultatu ostean.
Epailearen azken erabaki horrekin arnasa hartu ahal izan du talde gorritxoak, eta, gainera, lehia berdintzeko gai izan da; 85. minutuan, Ruben Garciak zulatu du Betisek babestutako atea (1-1), Catenaren pase luzea jaso eta eskuin hankarekin egindako jaurtiketarekin.
Azken minutuetan, Betisek atzean sartu du Osasuna. Gorritxoak saiatu dira berdinketari eusten, baina Iscok 2-1koa jari du markagailuan 94. minutuan; Malagako erdilariak baloia jaso du area barruan, eta Herrera gainditu du jaurtiketa on batekin.
Betisen bigarren gol horrek erantzuteko aukera gabe utzi du talde gorritxoa, eta Sevillako taldeak poltsikoratu ditu hiru puntuak (2-1).
Fitxa teknikoa:
2 - Betis: Claudio Bravo; Bellerín, Pezzella, Chadi Riad, Miranda (Abner Vinícuis, 87. min); Marc Roca (William Carvalho, 87. min), Guido Rodríguez; Assane Diao, Isco, Ayoze (Ez Abde, 75. min); eta Willian José (Luiz Henrique, 64. min).
1 - Osasuna: Sergio Herrera; Areso, Catena, David Garcia, Ruben Peña (Kike Barja, 77. min); Torró (Rubén García, 77. min); Chimy Avila (Raul Garcia, 46. min), Moncayola (Mojica, 46. min), Aimar, Moi Gomez; eta Budimir (Ibañez, 88. min).
Golak: 1-0, 46. min: Willian Jose. 1-1, 85. min: Ruben Garcia. 2-1, 94. min: Isco.
Epailea: Jose Maria Sanchez Martinez. Txartel horia atera die David Garcia (53. min), Moi Gomez (80. min), Catena (81. min) eta Sergio Herrera (92. min) Osasunako jokalariei, baita Luiz Henrique (71. min), Isco (76. min) eta Assane Diao (92. min) Betiseko futbolariei ere.
Zure interesekoa izan daiteke
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.