Osasunak porrota jaso du Getaferen aurka (3-2)
Osasunak porrota jaso du igande honetan Getaferen aurka (3-2), EA Sports Ligako bosgarren jardunaldiko partidan. Gorritxoek birritan berdindu dute markagailua, Muñozen eta Budimirren golekin, baina Maksimovicek partida erabakita utzi du etxekoen hirugarren golarekin bost minuturen faltan.
Getafe - Osasuna partidako laburpena
Jagoba Arrasateren taldea baloiaren jabe egin da lehen hogeita hamar minutuetan, eta bi aukera arriskutsu izan dituzte, bata Chimy Avilaren urruneko jaurtiketa batekin, David Soriaren atearen eskuinaldetik joan dena, eta bestea Ante Budimirren burukada batekin, atezain madrildarrak harrapatu duena.
Getafe, nagusi izan gabe, bere aukeraren zain egon da eta geldikako jokaldian iritsi zaio. Damian Suarez uruguaitarrak erdiraketa neurtu bat jarri dio Stefan Mitrovici hark buruarekin gola egin zezan (1-0).
Atsedenaldira iritsi aurretik, Osasunak berdinketa lortu du jokaldi on baten ostean. Iker Muñozek garaiera ertaineko bolea batekin bukatu du jokaldia (1-1).
Bigarren zatia erritmo biziarekin hasi da, Getaferi mesede eginez. Jose Angel Carmonaren bitartez aurrea hartu du berriz Getafek, Diego Ricoren ezkerreko erdiraketa buruz errematatuz (2-1).
Pozak gutxi iraun dio talde madrildarrari, ia jarraian David Soriak area barruan Budimir lurrera bota duelako eta kroaziarrak, hamaika metroetatik, ez du hutsik egin (2-2).
Partida garaile argirik gabe moteltzen ari zela zirudienean, Getafek, berriro geldikako jokaldi batean eta buruz, gola sartu du. Oraingoan Nemanja Maksimovicek bidali du sare barrura baloia (3-2).
Fitxa teknikoa
3 - Getafe: David Soria; Carmona (Aleña, 62. min), Duarte (Arambarri, 62. min), Mitrovic, Diego Rico (Gaston, 90. min); Damian Suarez, Djene, Maksimovic, Mata (Oscar Rodriguez, 62. min); Mayoral eta Latasa (Greenwodd, 77. min).
2 - Osasuna: Herrera; Peña, Herrando, David Garcia, Cruz; Iker Muñoz, Aimar Oroz (Ibañez, 79. min), Moi Gómez; Chimy Avila (Ruben Garcia, 68. min), Barja (Arnaiz, 68. min); eta Budimir (Raul, 79. min).
Golak: 1-0: 33. min Mitrovic; 1-1: 44. min Iker Muñoz; 2-1: 51. min Carmona; 2-2: 57. min Budimir, penaltiz; 3-2: 85. min Maksimovic.
Epailea: Alejandro Jose Hernandez Hernandez. Txartel horia atera die Duarte, Latasa, Soria, Carmona, Djenem, Mitrovic eta Avila (38) jokalariei. Txartel gorriarekin kanporatu du Angileri, aulkian zegoela.
Zure interesekoa izan daiteke
Ramis, Atleticoren aurkako partidari buruz: “Taldeak saria merezi du egiten ari den lanagatik”
Luis Miguel Ramis Osasunako entrenatzaileak gorritxoek asteazken honetan Atletico Madrilen aurka jokatuko duten partidaz hitz egin du hedabideen aurrean.
Braulio Vazquez, Osasunaren agurrean: “Gozatu eta sufritu egin dugu elkarrekin. Denak du amaiera”
Braulio Vazquez Osasunako kirol zuzendari ohiak agur esan dio talde gorritxoari astelehen honetan emandako prentsaurrekoan. Hamar urteko ibilbidearen ostean, Vazquez Valentzian arituko da lanean aurrerantzean.
Braulio Vazquezek Osasuna utzi du, eta Catak hartu du kirol zuzendaritza
Orain arteko kirol arduradun nagusiak, prouektu profesional berria hasiko du Valentzia taldean. Hori dela eta, talde valentziarrak bere etete-klausulari dagozkion 290.000 euroak ordainduko ditu.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Bigarren porrota jarraian Osasunarentzat (0-2)
Nafarrek bi gol jaso dituzte lehen 20 minutuetan eta, saiatu diren arren, ez dute Espanyolen atea zulatzeko modurik aurkitu.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.