Osasunak eta Valladolidek hutsean berdindu dute partida bizi batean
Osasunak hutsean berdindu du Valladoliden aurka Jose Zorrillan jokatu duen Santander Ligako 21. jardunaldiko partida. Oso partida lehiatua izan da, 30 jaurtiketa baino gehiagorekin, baina baloiak ez du sarera sartu nahi izan.
Jagoba Arrasateren taldeak apur bat nahastuta hasi du partida, pase errazenekin zailduz. Akats horietako bat sustoa emateko zorian egon da Juan Cruzek atzera emandako pase batean, Sergio Leon atezainaren aurka bakarrik utzi duelarik, baina Aridane garaiz iritsi da jokaldia eteteko.
Bi taldeak urruneko jaurtiketen bidez min egiten saiatu dira, atezainei lan gutxi emanez. Lehen abagune argia gorritxoena izan da, zutoinera egindako jaurtiketa batekin, baina aukera baliorik gabe zegoen jokoz kanpokoagatik.
Jokoa hegaletan zentratu da, areara erdiraketak bidaltzeko asmoz, aurrelariak horiek harrapatzen saia zitezen, baina estrategia ez da eraginkorra izan bi aldeetako bakar batentzat ere.
Valladoliden aukerarik argienak Machisen oinetatik heldu dira, Aitor Fernandez atezainarekin aurrez aurre bi jaurtiketa indartsu egin baititu, baina nafarrak ez du beldurrik izan eskuak jartzerako unean.
Etxeko taldeak izan du aukerarik argiena atsedenaldira joan aurretik. Machisen jaurtiketak defentsan jo du lehenik, eta aldaratzea berari erori zaio baloia atezainaren gainetik pasatzeko. Baina Aridane berriro agertu da baloia atepetik ateratzeko, ia barruan zegoenean.
Bigarren zatian Osasunak aurkariari min egiteko formularik aurkitu gabe jarraitzen zuen, Machisengan aurkitzen zituenak bere aukerarik onenak. Penalti puntutik izan du hegalekoak 54. minutuan, baina bere jaurtiketa gora joan da.
Nafarrek jokaldi on batekin erantzun dute, Chimy Avilak bukatu duena zutoinera joan den jaurtiketa batekin. Moncayola ere saiatu da area kanpotik, ezer lortu gabe.
Kike Garcia eta Brasanac Ibañez eta Kike Barjaren ordez sartu dira zelaira, Osasunak erasoko lanean izan duen zortea aldatzeko, baina Valladolidek presioa egiten eta jokoaren kontrola mantentzen jarraitu du. Hala ere, gorritxoak jokaldi arriskutsuak lotzen hasi dira, atezaina proban jarriz.
Torrok min hartu du eta partida utzi behar izan du herrenka. Bere ordez Iker Muñoz harrobiko jokalaria sartu da, lehen taldearekin debuta egin duena.
Osasunak azken bala bat izan du kontraeraso batean. Nafarroako taldeko bost jokalarik erasora jo dute garaipena emango zien gola lortzeko, baina, aurreko aukeretan bezala, dena ezerezean geratu da eta baloiak Masipen eskularruetan amaitu ditu.
Azkenean, bi taldeei ondo datorkien puntuen banaketa eta berdinketa markagailuan.
Fitxa teknikoa
0- Valladolid: Masip; Luis Perez, Hongla, Javi Sanchez, Olaza; Monchu (Roque Mesa, 59. min), Kike Perez (Ivan Sanchez, 74. min); Plata, Oscar Plano (Amallah, 74. min), Machis (Aguado, 88. min); Sergio Leon (Larin, 59. min).
0- Osasuna: Aitor Fernandez; Moncayola, Aridane, Juan Cruz, Manu Sanchez; Ibañez (Darko, 62. min), Torro (Iker Muñoz, m.70), Moi Gomez; Chimy Avila, Budimir (Kike Garcia, 62. min), Kike Barja (Ruben Garcia, 62. min).
Epailea: Guillermo Cuadra Fernandez. Txartel horia atera die Valladolideko Machisi eta Osasunako Juan Cruz, Manu Sanchez eta Chimy Avilari.
Zure interesekoa izan daiteke
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.